په افغانستان کې د طالبانو حکومت د ټول هېواد په کچه د انټرنېټ بندیز راپورونه رد کړل
د اسوشیتید پرس خبري اژانس ویلي دي چې د طالبانو حکومت د چهارشنبې په ورځ په افغانستان کې د ټول هېواد په کچه د انټرنېټ بندیز راپورونه رد کړل او ویې ویل چې د نوري فایبر (fiber optic) زاړه کیبلونه له کاره لوېدلي او د بدلولو په حال کې دي.
دا اعلان د مخابراتي پرېکون په اړه د طالبانو لومړنۍ رسمي اعلامیه وه، هغه پرېکون چې بانکدارۍ، سوداګرۍ او هوايي چلند ته یې خنډونه جوړ کړي دي.
تېره میاشت، ګڼو ولایتونو د طالبانو د مشر هبت الله اخندزاده د یوه فرمان له امله له "بداخلاقۍ سره د مبارزې" په موخه د انټرنېټ پرې کېدل تایید کړي وو.
طالب چارواکو له پاکستاني خبریالانو سره په یوه چیټ ګروپ کې په یوه درې کرښیزه اعلامیه کې وویل: «هغه اوازې حقیقت نه لري چې ګواکې موږ پر انټرنېټ بندیز لګولی دی.»
