سپاه پاسداران ادعا کوي چې په کویټ کې د امریکا پر یوې اډې د غچ اخیستونکو عملیاتو په ترڅ کې ټول ټاکل شوي اهداف ویجاړ شوي دي.
د تېرې اونۍ په لړ کې په کویټ کې د امریکا پر یوې هوايي اډه د ایران د بالستیک توغندیو په برید کې څلور امریکايي سرتیري او درې ملکي قراردادیان ټپیان شوي دي. د یکشنبې په ورځ د یوې رسنۍ د راپور له مخې، دا برید په جنوبي ایران کې د امریکا د یوې هوايي حملې په ځواب کې شوی دی.
د سي بي ایس (CBS News) خبري شبکې د راپور له مخې، دغو اوو واړو کسانو معمولي ټپونه اخیستي وو او په ۲۴ ساعتونو کې بېرته خپلو دندو ته وګمارل شول.
د ایران د اسلامي انقلاب ساتندویه ځواک (سپاه پاسداران) ویلي چې په کویټ کې یې د امریکا یوه هوايي اډه د ایران په سویل کې د بندر عباس هوايي ډګر ته نږدې د امریکايي هوايي برید په ځواب کې په نښه کړې ده.
د تسنیم خبري اژانس د راپور له مخې، سپاه پاسداران ویلي چې دغه غچ اخیستونکی برید د ځايي وخت له مخې سهار په ۴:۵۰ بجو) وشو؛ دا برید څو ساعته وروسته له هغه وشو چې امریکا د بندر عباس ساحلي ښار هوايي ډګر ته نږدې برید ترسره کړ.
د امریکا مرکزي قوماندانۍ په یوې ورپسې اعلامیه کې وویل چې دغه توغندیز برید "د کویټي ځواکونو لخوا په بریالیتوب سره شنډ شوی دی."
سیمه ییزې کړکېچونه د فبرورۍ په ۲۸مه هغه مهال اوج ته ورسېدل کله چې امریکا او اسرائیل پر ایران بریدونه وکړل. تهران په ځواب کې پر سیمه ییزو اهدافو د بې پیلوټه الوتکو او توغندیو باران وکړ او د هرمز تنګی یې وتاړه.
د اپریل په ۸مه د پاکستان په منځګړیتوب یو اوربند نافذ شو، خو په اسلام اباد کې خبرې اترې د یوې تلپاتې هوکړې په رامنځته کولو کې پاتې راغلې.
د امریکا ولسمشر ډونالډ ټرمپ وروسته اوربند د نامعلوم وخت لپاره وغځاوه، خو پر هغو بېړیو یې بندیز جاري وساتل چې د هرمز ستراتیژیکې لارې له لارې د ایران بندرونو ته تګ راتګ کوي. هغه وخت نا وخته دا هم ویل چې د سولې تړون نږدې دی.
