ټرمپ د تورکیې ولسمشر اردوغان ته بلنه ورکړې چې د غزې د سولې بورډ د بنسټګر غړي په توګه ورسره یوځای شي
د امریکا ولسمشر ډونالډ ټرمپ، د غزې لپاره د سولې د بورډ د بنسټ ایښودونکي رئیس په توګه، د ترکیې ولسمشر رجب طیب اردوغان ته بلنه ورکړې چې له دغه بورډ سره یوځای شي.
ټرمپ د تورکیې ولسمشر اردوغان ته بلنه ورکړې چې د غزې د سولې بورډ د بنسټګر غړي په توګه ورسره یوځای شي
د تورکیې د عامه اړیکو رئیس برهانالدین دوران وايي چې اردوغان ته د سولې د بورډ د بنسټ ایښودونکي غړي په توګه د یوځای کېدو لپاره د بلنې لیک استول شوی دی.
د امریکا ولسمشر ډونالډ ټرمپ، د غزې لپاره د سولې د بورډ د بنسټ ایښودونکي رئیس په توګه، د ترکیې ولسمشر رجب طیب اردوغان ته بلنه ورکړې چې له دغه بورډ سره یوځای شي.
د تورکیې د اړیکو رییس برهانالدین دوران، د تورکیې پر ټولنیزه رسنۍ اېنسوشل (NSosyal) په یوه پوسټ کې وویل: "د جنورۍ په ۱۶مه، د امریکا ولسمشر ډونالډ ټرمپ د سولې د بورډ د بنسټ ایښودونکي رئیس په توګه، زموږ ولسمشر ښاغلي رجب طیب اردوغان ته یو لیک واستاوه او هغه ته یې بلنه ورکړه چې د سولې د بورډ بنسټ ایښودونکی غړی شي."
دوران وویل، د ملګرو ملتونو امنیت شورا په خپل ۲۸۰۳ پرېکړهلیک کې "د غزې د جګړې پای ته رسولو جامع پلان" ملاتړ کړی، چې د ټرمپ له خوا اعلان شوی و او د اوربند لامل شو. هغه زیاته کړه، په دې برخه کې د سولې بورډ او اړوندې ادارې یې د غزې د امنیت او بیارغونې د تضمین لپاره جوړېږي.
د غزې د اوربند دویم پړاو
د امریکا استازي سټیو ویټکوف د چهارشنبې په ورځ اعلان وکړ چې په غزه کې د جګړې د پای ته رسولو لپاره د ټرمپ د ۲۰ مادهييز پلان د یوې برخې په توګه د اوربند د تړون دویم پړاو پیل شوی دی.
د امریکا ولسمشر ډونالډ ټرمپ وویل چې د هغه د پلان بل پړاو "په رسمي ډول" پیل شو.
هغه وویل: "زه د سولې د بورډ د رئیس په توګه، د نوي ټاکل شوي فلسطیني تکنوکرات حکومت، چې 'د غزې د ادارې لپاره ملي کمېټه' نومېږي او د بورډ د لوړپوړي استازي له ملاتړه برخمنه ده، ملاتړ کوم، ترڅو د انتقالي دورې پر مهال پر غزه حکومت وکړي."
"دغه فلسطیني مشران یوې سوله ییزې راتلونکې ته کلکه ژمنتیا لري!"
ټرمپ وویل چې له حماس سره به "د بې وسلې کولو یو جامع تړون" د مصر، تورکیې او قطر په ملاتړ خوندي شي.
"د سولې بورډ"
سپینې ماڼۍ د "سولې بورډ" تر چتر لاندې د حکومتولۍ او خدماتو وړاندې کولو د ملاتړ لپاره د یوه اجرایوي بورډ د جوړولو اعلان هم وکړ.
په نومول شویو کسانو کې د تورکیې د بهرنیو چارو وزیر هاکان فیدان؛ د ټرمپ ځانګړی استازی سټیو ویټکوف؛ د ټرمپ زوم جیرډ کوشنر؛ د برېتانیا پخوانی لومړی وزیر ټوني بلیر؛ د متحده عربي اماراتو د نړیوالې همکارۍ د دولت وزیره ریم الهاشمي؛ د قطر پخوانی ډیپلومات علي الثوادي؛ د مصر د استخباراتو مشر حسن راشد؛ د ملګرو ملتونو پخوانی استازی نیکولای ملادینوف؛ قبرصي-اسراییلي سوداګر یاکیر ګبای؛ او هالنډۍ سیاستواله سیګریډ کاګ شامل دي.