د افغانستان د بهرنیو چارو وزیر د متحده ایالاتو او ایران ترمنځ شوې هوکړه یو مثبت پرمختګ وباله او ویې ویل چې د دې هوکړې عملي کېدل د ټولې سیمې په ثبات کې مرسته کولای شي.

د افغانستان د بهرنیو چارو وزیر امیر خان متقي په کابل کې د "افغانستان او منځنۍ اسیا د فکري مرکزونو په فورم" کې د وینا پر مهال هیله څرګنده کړه چې ټول لوري به دغه هوکړه په بشپړ ډول پلي کړي.

متقي دغه هوکړه یو رغنده ګام وباله چې کولی شي په سیمه کې د شته کړکېچونو په کمولو کې مرسته وکړي.