د امریکا ولسمشر ډونلډ ټرمپ د ټاکنیزو کمپاینونو په ترڅ کې د الاباما ایالت ته له روانېدو مخکې، د سپینې ماڼۍ په انګړ کې د خبریالانو پوښتنو ته ځوابونه وویل.
ټرمپ د تېلو د لوړو بیو په اړه د پوښتنو په ځواب کې وویل: "کله چې د ایران مسله حل شي، او دا به ډېر وخت ونه نیسي، بیخي به ډېر وخت ونه نیسي، نو د تېلو بیې به خپلې پخوانۍ کچې او یا هم ښايي تر هغه ټیټې کچې ته راټیټې شي."
ټرمپ څرګنده کړه چې اروپايي هېوادونه به د ډیزل تېلو په برخه کې مرسته وکړي او په دې برخه کې به شته ستونزې هوارې شي.
د امریکا ولسمشر زیاته کړه: "اروپا له ځان سره په زیاته کچه ډیزل لري، هغوی به له نړۍ سره لویه مرسته وکړي او موږ به یې هم وکړو. موږ به پر صادراتو کوم بندیز نه لګوو."
