د سوریې ولسمشر په کور دننه د امنیتي پرمختګونو له امله جرمني ته خپل سفر وځنډاوه
د جرمني د حکومت ویاند ویلي چې دغه سفر په سوریه کې د کورنیو پرمختګونو له امله ځنډول شوی دی.
د جرمني د حکومت یوه ویاند د دوشنبې په ورځ انادولو ته وویل چې د سوریې ولسمشر احمد الشرع جرمني ته خپل پلان شوی سفر، چې د جنورۍ په ۱۹–۲۰ نېټو ټاکل شوی و، ځنډولی دی.
ویاند وویل: «د سوریې لوري دا سفر د کورنیو سیاسي پرمختګونو له امله وځنډاوه»، خو نور جزیات یې ور نه کړل.
تمه کېده چې الشرع د برلین د سفر پر مهال د جرمني له چانسلر فریدریش میرز او ولسمشر فرانک والټر شتاین مایر سره وګوري.
ټاکل شوې وه چې هغه د جرمني د سوداګریزو مشرانو سره په ګردي میز غونډه کې هم برخه واخلي.
د سوریې حکومت تیره اوونۍ پوځي عملیات پیل کړل او د پخوانیو هوکړو د پرلهپسې سرغړونو وروسته یې د YPG ترهګرې ډلې لهخوا، د سوریې په ختیځو او شمال ختیځو سیمو کې ځینې سیمې بېرته ونیولې.
الشرع د یکشنبې په ورځ اعلان وکړ چې له ټولو د YPG ځواکونو سره یې د اوربند او ادغام یو جامع تړون کړی، چې له مخې به یې هغوی د فرات سیند ختیځ ته ووځي.
