تهران د ۲۰۱۵ کال تړون ته د واشنګټن له وتلو وروسته یو کال پورې ژمن پاتې شو، خو بیا یې خپلې ژمنې کمې کړې. د تړون د بیا ژوندۍ کولو هڅې له هغه وخت راهیسې ناکامې شوې دي.

بیجینګ ویلي چې د جمعې ورځې خبرې به "د اړیکو او همغږۍ پیاوړتیا لپاره وي، ترڅو خبرې اترې او مذاکرات ژر تر ژره بیا پیل شي."

د چین دولتي ټلویزیون CCTV د غونډې په اړه ویلي چې درې ډیپلوماټانو د ایران د اټومي پروګرام او نورو ګډو اندېښنو په اړه نظرونه تبادله کړي دي.

د دولتي رسنیو له خوا د خبرو په اړه نور جزئیات نه دي شریک شوي، چې په دې کې د چین مرستیال بهرنیو چارو وزیر ما ژاو شو، د روسیې مرستیال بهرنیو چارو وزیر سرګي ریابکوف او د ایران مرستیال بهرنیو چارو وزیر کاظم غریب آبادي ګډون کړی و.

ټرمپ، چې د جنورۍ په میاشت کې د دویم ځل لپاره سپینې ماڼۍ ته راستون شو، د ایران پر وړاندې د خپل "اعظمي فشار" د بندیزونو تګلاره بیا فعاله کړې ده، چې د هغه د لومړي دورې چلند ته ورته ده.

هغه د ایران سره د نویو خبرو غوښتنه کړې، خو تهران ویلي چې تر هغه وخته به مستقیمې خبرې ونه کړي چې د امریکا بندیزونه نه وي لرې شوي.

د ویلو ده چې په روانه اونۍ کې، ټرمپ تهران ته یو لیک استولی چې د اټومي خبرو غوښتنه کوي -- او خبرداری یې ورکړی که ایران  له مذاکراتو انکار وکړي، ممکن پوځي اقدام وشي.

تهران د پنجشنبې په ورځ وویل چې دا لیک -- چې ټرمپ ویلي د ایران ستر مشر آیت الله علي خامنه اي ته استول شوی -- اوس مهال "تر ارزونې لاندې دی."

د ایران د بهرنیو چارو وزیر عباس عراقچي د پنجشنبې په ورځ د حکومت رسمي ورځپاڼې سره په یوه مرکه کې وویل: "په پای کې، امریکا  باید بندیزونه لرې کړي."

"موږ به هغه وخت مستقیمو خبرو ته داخل شو چې موږ په برابر دریځ کې قرار ولرو، له فشار او ګواښونو څخه آزاد شو، او ډاډه  شو  چې  زمونږ د  خلکو ملي ګټې تضمین شوې دي."

د نړیوال اټومي انرژۍ ادارې  د تیرې میاشتې په راپور کې ویل شوي چې ایران خپل د ۶۰ سلنې پاکوالي لوړ غني شوي یورانیم ذخیره په پراخه کچه زیاته کړې ده -- چې د اټومي بم جوړولو لپاره اړین ۹۰ سلنې ته نږدې ده.

د ایران مذهبي  مشر خامنه اي دې اونۍ کې وویل چې هېواد یې "اټومي وسلې نه لري" او "د هغوی په لټه کې نه دی."

د ملګرو ملتونو د نړیوال اټومي انرژۍ ادارې  د فبرورۍ په میاشت کې په یوه درې میاشتني راپور کې ویلي چې ایران خپل د ۶۰ سلنې پاکوالي لوړ غني شوي یورانیم ذخیره په پراخه کچه زیاته کړې ده -- چې د اټومي وسلې جوړولو لپاره اړین ۹۰ سلنې ته نږدې ده.