د افغانستان پلازمینې کابل په زړه شهر نو سیمه کې درنده چاودنه شوې.
د افغانستان د کورنیو چارو وزارت وايي د کابل په چاودنه کې ګڼ شمېر کسان وژل شوي.
د افغانستان په پلازمېنه کابل کې د یوې چاودنې له امله ګڼو کسانو ته مرګ ژوبله اوښتې ده.
وړاندیز شوي
د افغانستان د کورنیو چارو وزارت د دوشنبې په ورځ وویل چې چاودنه د کابل په شهرنو سیمه کې شوې او ګڼ شمېر کسان په کې وژل شوي دي.
د کورنیو چارو وزارت ویاند عبدالمتین قانع رویټرز ته وویل: "د لومړنیو معلوماتو له مخې، په دې پېښه کې یو شمېر کسان وژل شوي او ټپیان دي." هغه زیاته کړه چې جزئیات به وروسته له رسنیو سره شریک شي.
د شهرنو سیمه چې د بهرنیانو د استوګنې ځای دی، په کابل کې یوه له ډېرو امنو سیمو څخه ګڼل کېږي.
