تورکیې په سوریه کې پر ائتلافي ځواکونو ترهګریز برید وغانده
د بهرنیو چارو وزارت خواخوږي څرګنده کړې او د ترهګرۍ ضد هڅو سره یې د دوامداره ملاتړ ژمنه کړې ده.
د تورکیې د بهرنیو چارو وزارت په سوریه کې د داعش د یوه ترهګر له خوا هغه برید غندلی، چې سوري او امریکايي ځواکونه یې په نښه کړي وو.
وزارت د یکشنبې په سهار په یوه خپره کړې اعلامیه کې ویلي: "موږ د ډسمبر په ۱۳مه تدمر (پالمیرا) ته نږدې پر هغو سوري او امریکايي ځواکونو شوی ترهګریز برید غندو، چې د ګزمې دنده یې ترسره کوله."
تورکیې د وژل شویو کسانو له کورنیو او د سوریې او امریکا له حکومتونو – چې د داعش پر وړاندې په نړیوال ایتلاف کې شریکان دي – سره خپله خواخوږي څرګنده کړه.
وزارت زیاته کړه چې تورکیه به په هېواد کې د ثبات او امنیت د پیاوړتیا او له ترهګرۍ سره د مبارزې په برخه کې د سوریې د حکومت له هڅو خپل ملاتړ ته دوام ورکړي.
د امریکا مرکزي قوماندانۍ (سنټکام) ویلي، چې د داعش د یوه وسله وال بریدګر په کمین کې دوه امریکايي سرتېري او یو ملکي وګړی وژل شوي او درې نور پوځیان ټپیان دي.
