د فلسطین د پوهنې وزارت اعلان وکړ چې اسرائیل په غزه کې په تېرو ۲۴ ساعتونو کې درې زدهکوونکي وژلي دي، او د ماشومانو د ژغورنې او ساتنې لپاره یې پر نړیوالې ټولنې د بېړنیو اقداماتو غږ وکړ.
د وزارت لخوا په یوه خپره شوې خبرپاڼه کې راغلي چې په غزه کې د زدهکوونکو ژوند ته متوجه خطرونه په زیاتېدو دي.
په دغه بیان کې چې د اسرائیلو لخوا د درېیو زدهکوونکو وژل کېدل په کې تایید شوي، د ملګرو ملتونو د ماشومانو صندوق (UNICEF) او د بشري حقونو نړیوالو سازمانونو ته په خطاب کې غوښتنه شوې چې ماشومانو ته دې امنیتي خوندیتوب برابر کړي، ښوونځي او ښوونیزو مرکزونو ته د هغوی د خوندي رسېدو ډاډ دې ترلاسه کړي او شوې سرغړونې دې ثبت کړي.
د سیمه ییزو رسنیو د راپورونو له مخې، دوه تنه فلسطیني ماشومان د اسرائیلي عسکرو په ډزو او درېیم کس له ښوونځي څخه د راستنېدو پر مهال د هوايي برید په ترڅ کې وژل شوی دی.
