د امریکا د بهرنیو چارو وزیر مارکو روبیو وویل، چې ښايي نن د یکشنبې په ورځ ناوخته له ایران سره د یوې هوکړې په اړه اعلان وشي.
د هرمز تنګي په اړه د سمندري کړکېچ په تړاو، روبیو وویل چې په تېرو ۴۸ ساعتونو کې د وضعیت د هوارولو لپاره پر یو احتمالي چوکاټ څه ناڅه پرمختګ شوی دی.
روبیو په نوي ډیلي کې خبریالانو ته وویل: "زه فکر کوم چې ممکن په راتلونکو څو ساعتونو کې نړۍ یو څه ښه خبرونه واوري."
وړاندیز شوي
روبیو د واشنګټن دا دریځ یو ځل بیا تکرار کړ چې ایران باید هیڅکله اټومي وسله ترلاسه نه کړي.
هغه همداراز پر سوداګریزو کښتیو وروستي بریدونه وغندل او هغه یې د نړیوالو قوانینو له مخې په بشپړ ډول غیرقانوني وبلل.
