پېښې ځای ته ګڼ شمېر امبولانسونه رسېدلي، خو تر اوسه رسمي چارواکو د احتمالي مرګ ژوبلې په اړه څه نه دي ویلي.
راپورونه وايي چې دا چاودنه د هغه هوټل په نږدې سیمه کې شوې چې د فرانسې ولسمشر ایمانویل مکرون د خپل دمشق د سفر پر مهال په کې اوسېده.
د چاودنې پر مهال مکرون د سوریې له ولسمشر احمد الشرع سره د لیدنې لپاره په ولسمشرۍ ماڼۍ کې و.
د یادونې وړ ده چې د جولای په ۲مه نېټه هم د دمشق حمیدیه بازار ته پر غځېدلې لار، د عدلیې ماڼۍ (قصر العدل) ترڅنګ په یوه کافه کې ترهګریز برید شوی و، چې په پایله کې یې ۱۰ کسان وژل شوي او ۲۱ نور ټپیان شوي وو.
دا چاودنې پداسې حال کې کیږي چې د فرانسې ولسمشر د اروپايي ټولنې د یو مهم غړي هیواد د لومړني ولسمشر په توګه سوریې ته سفر کړی دی.
د نوموړو بریدونو مسئولیت تر اوسه پورې کومې ډلې په غاړه نده اخیستې.
