د امریکا ولسمشر ډونالډ ټرمپ وویل چې وینزویلا به ددینه وروسته د امریکايي چارواکیو لخوا اداره شي.
ټرمپ وویل تر هغه چې پدې هیواد کې سیاسي لېږد رامنځته کیږي دا هیواد به موږ زمونږ لخوا اداره شي.
د امریکا ولسمشر ډونالډ ټرمپ ویلي، چې د وینزویلا د مشر نیکولاس مادورو او د هغه د مېرمنې سیلیا فلورس له هېواده د 'نیولو' لپاره د بې ساري پوځي بریدونو وروسته، به وینزویلا له امریکا لخوا اداره شي. هغه دا څرګندونې یوې خبري غونډې ته وکړې چې د امریکا د جګړې وزیر او د بهرنیو چارو وزیر مارک روبیو هم پکې ګډون کړی وو.
هغه وویل چې وینزویلا به د امریکايي چارواکیو لخوا چې زما شاته ولاړ دي اداره شي. هغه د امریکا بهرنیو چارو وزیر روبیو ته اشاره وکړه. هغه وویل چې روبیو د وینزویلا د ولسمشر مرستیال سره چې دم ګړۍ موقت ولسمشر دی ټیلیفوني خبرې وکړې او هغه ورته د هر ډول همکارۍ ژمنه وکړه. هغه وویل چې واک به وینزویلايانو ته ورنکړي ځکه چې نه غواړي واک بل مادورو ته ورکړي.
همداشان هغه د وینزویلا مخالفې مشرې په اړه هم د یوې پوښتنې په ځواب کې وویل چې هغه ښه بدیل دی خو په هیواد کې محبوبیت نلري. د همدې امله نه غواړو چې واک هغې ته وسپارو.
ټرمپ په یوه خبري کنفرانس کې وویل: "موږ به هېواد تر هغه وخته وچلوو چې یو خوندي، مناسب او مدبرانه لېږد ترسره کړای شو،" او زیاته یې کړه چې که اړتیا پېښه شي، امریکايي ځواکونه د بریدونو دویمې، "ډېرې لویې" څپې ته چمتو دي.
ټرمپ دا هم وویل چې هغه به امریکايي د تېلو شرکتونو ته اجازه ورکړي چې وینزویلا ته لاړ شي او د هغه هېواد د اومه تېلو پراخې زېرمې استخراج کړي.
ټرمپ په یوه خبري کنفرانس کې وویل: "موږ به خپل د متحده ایالاتو ډېر لوی د تېلو شرکتونه، چې په ټوله نړۍ کې تر ټولو لوی دي، هلته ورولېږو، چې ملیاردونه ډالره ولګوي، سخته ویجاړه شوې زیربنا، د تېلو زیربنا، ورغوي او د هېواد لپاره د پیسو ګټل پیل کړي."
