جرمني: طالبانو له جرمني څخه د افغان کډوالو پر بیا ستنولو هوکړه کړې

د آلمان د کورنیو چارو وزارت یوې ویاندې د دوشنبې په ورځ وویل چې د افغانستان طالبانو حکومت له جرمني څخه د خپلو وګړو پر بیا ستنولو اصولي هوکړه کړې ده.

ویاندې وویل: "د افغانستان بالفعل حکومت په اصولي توګه په دې هوکړه کړې چې که هغه کسان چې موږ یې ستنوو، د افغان وګړو په توګه وپیژندل شي، نو په هوايي بڼه به یې ستنوي."

هغې زیاته کړه چې برلین یوازې په افغانستان کې د طالبانو د حکومت له استازو سره تخنیکي اړیکې لري، نور هېڅ نه.