انګلستان د سوریې د حکومت او  YPG ترهګرې ډلې منځ د اوربند د تړون هرکلی وکړ

د سوریې ولسمشر احمد الشرع د یکشنبې په ورځ د اوربند او په دولتي ادارو کې د YPG د بشپړ ادغام لپاره د یوه تړون اعلان وکړ.

بریتانیا د سوریې د حکومت او د YPG ترهګرې ډلې ترمنځ د اوربند تړون هرکلی کړی دی.

د منځني ختیځ لپاره د بریتانیا وزیر، هیمش فالکنر، د دوشنبې په ورځ پر ایکس (X) ولیکل: «بریتانیا د شمالي سوریې په اړه د امریکا په منځګړیتوب د شوي اوربند راپورونو هرکلی کوي. ټول لوري باید دغه تړون مراعات کړي، د ملکي وګړو ساتنه وکړي او د تل لپاره جګړې پای ته ورسوي.»

د یکشنبې په ماښام، د سوریې ولسمشر احمد الشرع د اوربند اعلان وکړ او د YPG د بشپړ ادغام لپاره یې له دولتي بنسټونو سره د یوې موافقې خبر ورکړ.

د تړون له مخې، YPG به خپل ځواکونه د فرات سیند ختیځ ته وباسي او د رقه او دیرالزور ولایتونو اداري او امنیتي کنټرول به د سوریې دولت ته وسپاري.

دغه تړون همدارنګه د انفرادي امنیتي ارزونو وروسته د YPG د غړو د دفاع او کورنیو چارو وزارتونو ته د ادغام، او هم د سرحدي لارو، د تېلو او ګازو د ساحو، او ملکي بنسټونو د حکومت تر کنټرول لاندې د سپارلو زمینه برابروي.

دا اعلان د سوریې د پوځ له لوري د پیل شوې پوځي عملیاتو وروسته وشو، چې له لارې یې د سوریې پوځ په ختیځ او شمال ختیځ سوریه کې پراخې سیمې بېرته ونیولې، وروسته له هغه چې د YPG ترهګرې ډلې نږدې یو کال وړاندې له دمشق سره د لاسلیک شوو پخوانیو تړونونو پرله‌پسې سرغړونې کړې وې.