نړۍ
3 د لوستلو دقیقې
د مهمو خبرونو غورچاڼ
ټرمپ له شي جین پینګ سره تر درې‌اړخیزې غونډې مخکې له پوتین سره ولیدل .
د مهمو خبرونو غورچاڼ
ټرمپ - پوتین / TRT Azerbaycan

د امریکا ولسمشر ډونالډ ټرمپ او د روسیې ولسمشر ولادیمیر پوتین، د چین په شینزین ښار کې د آسیا-پسیفک اقتصادي همکارۍ (APEC) سرمشریزې په څنډه کې دوه اړخیزه ناسته وکړه. دا لیدنه د چین له ولسمشر شي جین پینګ سره د هغوی تر پلان شوې درې‌اړخیزې غونډې مخکې ترسره شوه. ټرمپ، پوتین خپل «ملګری» وباله او هیله یې وښوده چې دا خبرې به د مثبتو پرمختګونو پیلامه وي. بلخوا بیجینګ ویلي چې د درې واړو مشرانو د ناستې اصلي تمرکز پر «نړیواله سوله» دی. دا غونډه په داسې حال کې کېږي چې پر اوکراین د روسیې جګړه خپل پنځم کال ته نږدې شوې ده.

ټرمپ د مصنوعي ځیرکتیا پر وړاندې د نړیوالو مقرراتو وضع کول رد کړل .

د امریکا ولسمشر ډونالډ ټرمپ د مصنوعي ځیرکتیا (AI) د محدودولو لپاره نړیوالې هڅې رد کړې او ټینګار یې وکړ چې واشنګټن به د ټیکنالوژۍ پر وړاندې د هر ډول کنټرول مخالفت وکړي. نوموړي د د آسیا-پسیفک اقتصادي همکارۍ غونډې ته په وینا کې مصنوعي ځیرکتیا د «سوپر انټیلیجنس» په نوم یاده کړه او هغه یې تر صنعتي انقلاب راوروسته ترټولو ستر بدلون وباله. ټرمپ وویل چې د نړیوالو محدودیتونو پر ځای باید په کور دننه پر احتیاطي تدابیرو تمرکز وشي.

ملګري ملتونه: پر مرکزي غزه د اسرائیلو نوی بریدونه به زرګونه کسان بې‌ځایه کړي.

 ملګرو ملتونو خبرداری ورکړی چې په مرکزي غزه کې د اسرائیلو احتمالي پوځي عملیات کولی شي له ۱۸ زرو څخه ډېر فلسطینیان بې‌ځایه او اړین بشري خدمات ګډوډ کړي. د ملګرو ملتونو د عمومي منشي ویاند فرحان حق وویل، چې د بشري چارو د همغږۍ دفتر د راپور له مخې، ګڼ شمېر فلسطینیان لا له وړاندې د «دیر البلاه» له سیمې لوېدیځ او سوېل لوېدیځ لور ته کډه شوي دي. د لومړنیو ارزونو پر بنسټ، په دغه ۲.۵ مربع کیلومتره ساحه کې تر ۱۸ زرو ډېر کسان اوسېږي چې شاوخوا ۴ زره یې د بې‌ځایه شویو په کمپونو کې مېشت دي.

د امریکا د دفاع وزیر کولمبیا ته د سفر پر مهال وینزویلا ته ناڅاپي سفر وکړ.

 د امریکا د دفاع وزیر پیټ هیګسیت، وینزویلا ته تر ناڅاپي سفر وروسته کولمبیا ته ورسېد. د جنورۍ په میاشت کې د ولسمشر نیکولاس مادورو له واکه تر لرې کېدو وروسته، دا کاراکاس ته د امریکا د یوه لوړپوړي چارواکي لومړنی سفر و. هیګسیت په کولمبیا کې له ځايي چارواکو سره پر امنیتي همکارۍ او د نشه‌يي توکو د قاچاقبرو ډلو پر وړاندې پر ګډو پوځي عملیاتو خبرې وکړې. د کولمبیا د بهرنیو چارو وزیر عمر بولا وویل چې حکومت به یې له واشنګټن سره د ګډو پوځي عملیاتو لپاره د کانګرس منظوري وغواړي.

د پیو څیړنیز مرکز څېړنه: اسلام به تر ۲۰۳۵ کال پورې د نړۍ ترټولو لوی دین شي.

 د پیو (Pew) څېړنیز مرکز د نویو اټکلونو له مخې، تمه کېږي چې مسلمانان به تر ۲۰۳۵ کال پورې د نفوس له پلوه تر عیسویانو مخکې او په نړۍ کې ترټولو لویه مذهبي ډله شي. د دغه مرکز د راپور پر بنسټ، که اوسنی بهیر دوام وکړي، تر ۲۰۷۰ کال پورې به د مسلمانانو شمېر له ۳.۶ میلیارد څخه واوړي چې د نړۍ ۳۶ سلنه نفوس به جوړوي، په داسې حال کې چې د عیسویانو ونډه به په ۲۹ سلنه کې ثابته پاتې شي.

 

وپلټۍ
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د روسیې په کېمېروو سیمه کې د یوې پوځي ترانسپورتي الوتکې د لوېدو له امله ۱۹ تنو ژوند د لاسه ورکړی دی.
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د مهمو خبرونو غورچاڼ
ټرمپ: د روسیې او اوکراین جګړه حل ته «ډېره نږدې» شوې ده
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي