پاکستاني ځواکونو د هیواد په شمال لویدیځ ایالت کې د وسله والو پر پټنځایونو چاپې وهلي او ۱۵ تنه یې وژلي دي
د پاکستان پوځ د سې شنبې په ورځ وویل، چې امنیتي ځواکونو د استخباراتي معلوماتو پر بنسټ د هیواد په شمال لویدیځ کې د وسله والو پر دوو پټنځایونو چاپې وهلي او ۱۵ وسله وال یې وژلي دي.
د پوځ د یوې خبرپاڼې له مخې، لومړی ځواکونو د خیبر پښتونخوا ایالت په ډېره اسماعیل خان ولسوالۍ کې عملیات ترسره کړل او لس تنه پاکستاني طالبان یې ووژل. خبرپاڼه زیاتوي چې په سیمه کې په دویمه چاپه کې چې په شمالي وزیرستان ولسوالۍ کې ترسره شوه، پنځه نور وسله وال ووژل شول.
پوځ ویلي دي چې د ترهګرو ته سخت ګوزار ورکړی دی.
