په نیویارک کې د اردوغان مشهورې ویناوې یو ځل بیا راڅرګندې شوې.

ولسمشر اردوغان  د ملګرو ملتونو په عمومي اسامبله کې د بدلون غوښتنه بیا تکرار کړه، او ویې ویل "نړۍ له پنځو ستره ده".

د تورکیې د ولسمشر رجب طیب اردوغان یو انځور د هغه د "نړۍ له پنځو ستره ده" او "یو ډېر عادلانه نړۍ ممکنه ده" ویناوو سره یوځای د نیویارک ښار په مرکزي سړکونو او واټونو کې ښودل شوی دی.

دا هغه شعارونه دي چې اردوغان يې له ډېرې مودې راهیسې د ملګرو ملتونو په نظام کې د بدلون غوښتنې لپاره تکراروي.

له کلونو راهیسې، د ملګرو ملتونو امنیت شورا له دې ادعاوو سره مخ ده چې د دې شورا پنځه د ویټو حق لرونکي غړي - امریکا، برېتانیا، فرانسه، روسیه او چین - غیر متناسب نفوذ لري.

د سې شنبې په ورځ د ملګرو ملتونو د عمومي اسامبلې ۸۰مې غونډې ته د وینا پر مهال، اردوغان په دغه نړیوال سازمان کې د بدلون غوښتنه تکرار کړه.

'یو ډېر عادلانه نړۍ ممکنه ده'

هغه وویل: "زه په رښتیا باور لرم چې زموږ ګډ مسؤلیت دا دی چې داسې ګامونه پورته کړو چې ملګري ملتونه په خپل ۸۰م کال کې خپل بنسټیز روح ته راوګرځوي."

"موږ به د 'نړۍ له پنځو ستره ده!' شعار تکرارولو ته دوام ورکړو، تر هغه چې داسې یو نظام رامنځته شي چې په هغه کې د ځواکمنو پر ځای عادلان بریالي وي."

د هغه "یو ډېر عادلانه نړۍ ممکنه ده" وینا هم د ټایمز سکویر په اېل اي ډي (LED) سکرینونو نندارې ته وړاندې شوه.