پاکستان هند د خیبر پښتونخوا په ایالت کې د ترهګریز برید چې له امله يي ۱۳ تنو سرتیرو ژوند د لاسه ورکړی وو او د ملکي وګړو په ګډون ګنشمیر کسان ټپیان شوي وو د پلان په جوړولو او عملي کولو تورن کړی دی.
د امنیتي چارواکو په وینا، دا همغږی شوی برید هغه مهال ترسره شو کله چې یو ځانمرګي بریدګر د ۲۲م فرنټیر فورس ریجمنټ د بم شنډولو د واحد موټر ته نږدې چاودېدونکي توکي وچول.
د دې برید مسوولیت د تحریک طالبان پاکستان (ټي ټي پي) یوې ډلې پر غاړه اخیستی دی.
د پاکستان پوځ د عامه اړیکو څانګې (آی ایس پي آر) په یوه بیان کې دغه برید د هند د "ترهګر دولت" له خوا پلان شوی او د تحریک طالبان پاکستان (ټي ټي پي) په وسیله ترسره شوی "بزدلانه عمل" بللی دی.
د هند د بهرنیو چارو وزارت د دې تور په ردولو سره ویلي: "موږ د پاکستان د پوځ رسمي بیان لیدلی چې د جون په ۲۸مه د وزیرستان په برید کې هند تورنوي. موږ دا بیان په کلکه ردوو."
دا برید په وروستیو میاشتو کې د خیبر پښتونخوا په ایالت کې د امنیتي ځواکونو پر وړاندې یو له مرګونو بریدونو څخه ګڼل کېږي.
د پاکستان لومړي وزیر شهباز شریف دغه برید په کلکه غندلی او د پوځ ستاینه یې کړې چې په عملیاتو کې یې ۱۴ ترهګر وژلي.
د هند او پاکستان پوځونه د روان کال په مې میاشت کې په یوه جدي مخامخۍ نښته کې ښکېل شول، کله چې هند د پاکستان دننه هغه هدفونه وویشتل چې د هند تر ولکې لاندې کشمیر کې د ۲۶ سیلانیانو د وژنې مسوول ګڼل کېدل.
د څلور ورځو متقابلو بریدونو په ترڅ کې، چې دواړو خواوو ته شاوخوا ۶۰ کسان ووژل شول، د اټومي وسلو لرونکو ګاونډیانو ترمنځ د بشپړ جګړې وېره زیاته شوه.
وروسته له هغه چې امریکا مداخله وکړه، کړکېچ کم شو، او پاکستان ادعا وکړه چې شپږ هندي جنګي الوتکې، په شمول د فرانسې لخوا جوړ شوي رافیل جنګي الوتکې، یې غورځولې دي.
اسلام آباد هر ډول لاس لرل رد کړي او د برید د عاملینو د معلومولو لپاره یې د ګډې پلټنې غوښتنه کړې ده.
پاکستان همدارنګه ویلي چې د هند توغندي مذهبي ځایونه په نښه کړي او ملکي وګړي یې وژلي دي.
پاکستان د بریدګرو سره هر ډول اړیکې رد کړې او د نړیوالې پلټنې غوښتنه یې وکړه، چې هند رد کړې ده.
هند لا هم د دې پېښې پلټنه کوي او تر اوسه یې په عام ډول داسې شواهد نه دي وړاندې کړي چې اسلام آباد دې برید سره وتړي.
