د امریکا ولسمشر ډونالډ ټرمپ ویلي چې متحده ایالات له ایران سره د جګړې د پای ته رسولو په لور په چټکۍ سره روان دي.
ټرمپ په سپینه ماڼۍ کې وویل: "موږ به دا جګړه ډېره ژر پای ته ورسوو. هغوی په کلکه د یوې معاملې غوښتونکي دي، ځکه له دې (حالت) څخه ستړي شوي دي."
هغه زیاته کړه: "زه فکر کوم چې موږ به دا موضوع ډېر ژر خلاصه کړو، هغوی به اټومي وسله ونه لري، او هیله لرم چې دا کار په ډېره ښه طریقه ترسره کړو."»
پولیسو د سان ډیاګو د اسلامي مرکز د بریدګرو له کورونو څخه د وسلو ذخیره ترلاسه کړې
چارواکو تایید کړې چې پولیسو د هغو تنکیو وسله والو له استوګنځایونو څخه چې په یوه جومات کې یې درې کسان وژلي وو، له ۳۰ څخه ډېرې وسلې او یو غشي کمان ترلاسه کړي دي.
د افبياي (FBI) د سان ډیاګو د ساحوي دفتر مشر، مارک ریمیلي، وویل چې امنیتي ځواکونو له شکمنو کسانو سره په تړاو لرونکو کورونو کې د پلټنې درې حکمونه پلي کړي، چې په ترڅ کې یې له دوو ځایونو څخه ګڼ شمېر تومانچې، ټوپکونه، شل ډزې ، مهمات، نظامي تجهیزات او الکترونیکي وسایل نیولي دي.
د ملګرو ملتونو د اټومي ادارې مشر پر اماراتي بټۍ له ډرون برید وروسته د شدیدو وړانګو د خطر خبرداری ورکړ
د ملګرو ملتونو د اټومي انرژۍ د څارنې ادارې مشر خبرداری ورکړی چې د متحده عربي اماراتو پر "براکه" اټومي برېښناکوټ مستقیم برید کولی شي د شدیدو راډیو اکټیو پایلو لامل شي.
رافایل ګروسي د امنیت شورا یوې بېړنۍ غونډې ته په وینا کې، چې پر دغه تاسیساتو د وروستي ډرون برید په تړاو جوړه شوې وه، وویل چې وضعیت خورا د اندېښنې وړ دی.
د ملګرو ملتونو راپور ورکوونکې پر اسرائیل د فلسطیني بندیانو سره په ناوړه چلند کې د «سختې بېپرواۍ» تور پورې کړ
د شکنجې په چارو کې د ملګرو ملتونو ځانګړې راپور ورکوونکې اسرائیل تورن کړی چې د فلسطیني بندیانو سره په انساني چلند کې یې "سخته بېپروايي" ښودلې. هغې خبرداری ورکړ چې د ۲۰۲۳ کال د اکتوبر له اوومې وروسته معرفي شویو بېړنیو اقداماتو بندیان د شکنجې، جنسي تاوتریخوالي او احتمالي غیرقانوني مړینې سره مخ کړي دي.
راپور ورکوونکې، ایلیس جیل اډوارډز په یوه بیان کې د سختو وهلو ټکولو، برېښنايي شاکونو، په سختو حالتونو کې درولو، خوب نه ورکولو، لوږې او د اوږدې مودې لپاره له نړۍ سره د اړیکو پرې کولو په اړه مفصل معلومات وړاندې کړل.»
ارسنال له ۲۲ کلونو وروسته د لومړي ځل لپاره د پریمیر لیګ اتلولي وګټله
وروسته له هغه چې د مانچسټر سیټي ننګونه له ماتې سره مخ شوه، د ارسنال زرګونه مینه وال د امارات سټیډیم ته راټول شوي ترڅو له ۲۲ کلونو وروسته د خپلې لومړنۍ پریمیر لیګ اتلولۍ جشن ولمانځي.
مانچسټر سیټي باید دا لوبه ګټلې وی ترڅو د اتلولۍ سیالي وروستۍ ورځې ته وغځوي، مګر د بورنوموت لوبډلې هغوی ۱-۱ مساوي کړل. بورنوموت په دې سره خپل د ۱۷ لوبو نه ماتېدونکی ریکارډ وغځاوه او د خپل کلب په تاریخ کې یې د لومړي ځل لپاره اروپايي سیالیو ته لاره وموندله.
