جنوبي کوریا پر پولنډ د ۱۸۰ ک ۲ ټانکونو د پلورولو لپاره ددې هیواد سره یو لوی قرارداد لاسلیکولو ته چمتووالی نیسي.

 د جنوبي کوریا حکومت پلان لري چې د شاوخوا ۶ میلیاردو ډالرو په ارزښت د K2 بلیک پینتر ټانکونو یوه بله جوپه پولنډ ته صادره کړي. د دې تړون د لاسلیک مراسم به د روانې میاشتې په وروستیو کې ترسره شي، چې د جنوبي کوریا تر ټولو لوی واحد وسلو صادرات ګڼل کېږي. د یونهاپ خبري اژانس د حکومتي سرچینو له قوله دا راپور ورکړی دی.

د دفاعي صنعت یوه چارواکي یونهاپ ته تایید کړې چې د تړون لاسلیک مراسم به د سه شنبې په ورځ په پولنډ کې ترسره شي. د دې تړون له مخې، پولنډ به ۱۸۰ K2 ټانکونه ترلاسه کړي. له دې ډلې څخه، ۱۱۷ ټانکونه به د جنوبي کوریا د دفاعي شرکت هیوندای روټم شرکت لخوا جوړ شي، په داسې حال کې چې پاتې ټانکونه به په پولنډ کې د دولتي دفاعي شرکت PGZ لخوا تولید شي.

دا تړون په اصل کې تمه کېده چې د ۲۰۲۳ کال په وروستیو کې ترسره شي، خو د دواړو هېوادونو په سیاسي حالاتو کې د بدلونونو له امله وځنډېد. په دې کې د جنوبي کوریا داخلي بې ثباتي هم شامله وه، چې د دسمبر په میاشت کې رامنځته شوه.

دا تړون د پولنډ د پراخې هڅې یوه برخه ده چې د روسیې او اوکراین د جګړې له امله د امنیتي اندېښنو په منځ کې خپل پوځي وړتیاوې پیاوړې کړي. په ۲۰۲۲ کال کې، وارسا د جنوبي کوریا سره د دفاعي تړونونو یوه لړۍ لاسلیک کړه، چې په دې کې د K2 ټانکونو، K9 ځان چلوونکو هاوتزرونو، او FA-50 سپکو برید کوونکو الوتکو د ترلاسه کولو تړونونه شامل وو.