د هندوستان یوې جنګې الوتکې د دوبۍ په نندارتون کې د یوې نندارې پر مهال سقوط وکړ چې له امله يي پیلوټ هم ژوند د لاسه ورکړ.

دا د جنګي الوتکې دوهمه پیژندل شوې حادثه ده، چې د جنرال الیکټریک انجنونو لخوا چلول کیږي. لومړی سقوط یې په ۲۰۲۴ کال کې په هند کې د یو پوځي تمرین پر مهال شوی و.

د هند د هوايي ځواک یوه ویاند وویل، د هند د هوايي ځواک یوه جنګي الوتکه، تیجاس، د جمعې په ورځ د دوبۍ په هوايي نندارتون کې نسکوره شوه.

د دوبۍ د رسنیو ادارې له مخې، په پېښه کې پیلوټ وژل شوی، چې د ژغورنې ټیمونو سمدستي غبرګون ته یې لاره هواره کړه او دوی په چټکۍ سره د سیمې د خوندي کولو کارونه ترسره کړل.

چارواکو د سقوط د لامل په اړه نور جزئیات نه دي خپاره کړي، خو تمه کېږي چې پلټنې به وشي، په داسې حال کې چې د هوايي چلند ټولنه د پیلوټ د مړینې په اړه غمجنه ده.

یوه عیني شاهد وویل چې جنګي الوتکه د ماسپښین شاوخوا ۲:۱۵ دقيقې په ټیټه ارتفاع کې الوتنه کوله چې اور يي واخیست او راولوېده.

د سیمې له ویډیوګانو ښکاري چې له سقوط ځایه تور لوګی پورته کېږي.

دا د جنګي الوتکې دوهم سقوط دی، چې د جنرال الېکټرېک انجنونو لخوا چلېږي. لومړی سقوط یې په ۲۰۲۴ کال کې په هند کې د یوه پوځي تمرین پر مهال شوی و.

هندي خپرونې NDTV هم راپور ورکړی چې "د تیجاس جنګي الوتکې … د دوبۍ د هوايي نندارتون پر مهال د نندارې په جریان کې سقوط وکړ."

د پېښې ویډیو د «پریس ټرسټ آف انډیا» لخوا خپره شوې ده.

په X (پخوانی ټویټر) کې لیکل شوي: «یو د تیجاس جنګي الوتکه چې د دوبۍ په هوايي نندارتون کې يې برخه اخيستې وه، د هوايي نندارې پر مهال له کنټرول څخه ووتله او نن ماسپښین وغورځېده. دا د HAL جوړښت الوتکه … د ګڼ شمېر لیدونکو مخې ته د مانورونو پر مهال راولوېده.»