د خامنهاي د تېرې اونۍ د جنازې په مراسمو کې هم داسې پوسترونه لېږدول شوي وو چې ډونالډ ټرمپ یې په نښه کړی و.
د ایران په پلازمېنه تهران کې یو داسې لوی انځور بلبورډ لګول شوی چې د امریکا ولسمشر ډونالډ ټرمپ په یو "تور تابوت کې پورت د مړي" په بڼه انځوروي.
د دغه ښار په تر ټولو مهمه سیمه "انقلاب میدان" کې په لګول شوي دغه لوی انځور کې، د هغو تورو سمنټي خنډونو انځور د تابوت په بڼه کارول شوی چې د فبرورۍ په میاشت کې د امریکا او اسرائیلو په بریدونو کې د وژل شوي مذهبي مشر علي خامنهاي د جنازې په مراسمو کې د امام خمیني په مصلی کې ایښودل شوي وو. په دغه نمایشي تابوت کې د امریکا ولسمشر ډونالډ ټرمپ د مړي په توګه ښودل شوی دی.
د دغه تابوت پر دېوالونو باندې "موږ به ټرمپ ووژنو" او "مرګ پر ټرمپ" شعارونه هم لیکل شوي دي.
