بېړنیو خدماتو په مرکزي اسرائیل کې د ډزو په پېښو کې د یوه تن د وژل کېدو او دوو نورو د سخت ټپي کېدو خبر ورکړی دی.

د اسرائیلو د امبولانس خدمتونو ادارې ویلي چې د یکشنبې په ورځ د مرکزي اسرائیل په "کوخاو یایر" (Kochav Ya'ir) سیمه کې د ډزو په پایله کې یو تن وژل شوی او پنځه نور ټپیان شوي دي، چې د دوو کسانو روغتیايي حالت نازک ښودل شوی.

"یدیعوت احرونوت" ورځپاڼې ویلي چې دغه ټپيان کوخاو یایر ته نږدې په یوه تېلو سټیشن کې، په "څور یتزحاق" (Tzur Yitzhak) کې په یو بل ځای کې او د ۵۵۳۳ لویې لارې په اوږدو کې په نښه شوي دي.

یادې ورځپاڼې ویلي چې یو فلسطیني الاصله اسرائیلی په ډزو وژل شوی، په داسې حال کې چې امنیتي ځواکونو د بل شکمن کس د نیولو لپاره پلټنې پیل کړې دي.

د اسرائیلو پوځ ویلي چې دوی ته په "سلیت" (Sal'it) او "څور یتزحاق" سیمو کې د ډزو د څو پېښو په اړه راپورونه رسېدلي او هلته یې خپل ځواکونه ځای پر ځای کړي دي.