د روغتون چارواکو ویلي چې د یکشنبې په ورځ په جګړه ځپلي غزه کې د اسرائيلو د هوايي برید له امله لږ تر لږه څلور فلسطینیان، چې یو هلک او د هغه امیندواره مور هم پکې شامل دي، ووژل شول.
د الاقصی شهیدانو روغتون ته نږدې د نصیرات په ښاري کمپ کې د برید له امله یو کور په نښه شو، چې د یوې کورنۍ مور او پلار او د دوی ځوان زوی پکې ووژل شول. څلورم وژل شوی کس د نصیرات عوده روغتون ته انتقال شوی و.
د اسرائيلو پوځ تر اوسه په دې اړه سمدستي تبصره نه ده کړې.
دا مرګونه د هغو وروستیو تلفاتو له ډلې دي چې په ساحلي سیمه کې د فلسطینیانو ترمنځ رامنځته شوي. د ویلو ده چې د تیر کال د کتوبر په میاشت کې د اوربند نه راپدیخوا اسرائیل وخت ناوخته سرغړونې کوي او بې ګناه انسانان وژني.
که څه هم درنې جګړې کمې شوې دي، خو د اوربند سره سره بیا هم نږدې هره ورځ د اسرائيلو سرغړونې لیدل کېږي. د غزې د روغتیايي چارواکو په وینا، اسرائيلي ځواکونو له هغه وخت راهیسې پرله پسې هوايي بریدونه کړي او ډېر ځله د پوځ تر کنټرول لاندې سیمو ته نږدې پر فلسطینیانو ډزې کوي، چې له امله یې له ۶۵۰ څخه ډېر فلسطینیان وژل شوي دي.
