د نیویارک تایمز ورځپاڼې د امریکایي چارواکو له قوله راپور ورکړی چې وروسته له هغه چې د سعودي عربستان ولیعهد محمد بن سلمان له امریکا څخه د حوثیانو د پرمختګ د مخنیوي لپاره د بیا مسلکي مرستې غوښتنه وکړه، ترامپ د امریکا دفاع وزارت (پینټاګون) ته د حوثیانو پر وړاندې د هوایي بریدونو د چمتووالي لارښوونه وکړه.
چارواکو ادعا کړې چې ترامپ له بن سلمان سره تر لیدنې یوه ورځ وړاندې خپلو سلاکارانو ته ویلي و چې د حوثیانو پر وړاندې د بریدونو پر مفکورې مایل نه دی، خو تر تیلیفوني خبرو وروسته یې خپل موقف بدل کړ.
خو چارواکو زیاته کړې چې ترامپ د یکشنبې پر ورځ له خپلې دغې پرېکړې پرشا شوی او پرېکړه یې کړې چې متحده ایالات به په اوسني پړاو کې د حوثیانو پر وړاندې هوایي بریدونه ترسره نه کړي.
په یمن کې د ایران لخوا ملاتړه برخمندو حوثیانو پر صنعا د شویو ډرون الوتکو د بریدونو له امله سعودي عربستان تورن کړی و او د ځوابي بریدونو ګواښ یې کړی و.
حوثیانو پدې وروستیو کې پر سعودي عربستان بریدونه ډیر کړي دي. تیره ورځ يي د سعودي عربستان په پلازمینه ریاض کې په یو هوايي ډګر د برید ادعا کړې وه.
