د امریکا  ولسمشر ډونالډ ټرمپ د غزې د اوربند په اړه د قطر د لومړي وزیر سره لیدنه کوي.

د اکسیوس د خبر له مخې د امریکا ولسمشر ډونالډ ټرمپ به د قطر له لومړي وزیر شیخ محمد بن عبدالرحمن ال ثاني سره د غزې د اوربند د مذاکراتو  په اړه خبرې وکړي.

د اسرائیلو او حماس مذاکره کوونکي د جولای له شپږمې راهیسې په دوحه کې د اوربند د وروستي پړاو په مذاکراتو کې ګډون کوي. نوموړي د امریکا په ملاتړ د ۶۰ ورځني اوربند وړاندیز په اړه بحث کوي چې پکې د اسرائیلي بندیانو  د تدریجي خوشې کیدو، د غزې له ځینو برخو څخه د اسرائیلي ځواکونو د وتلو او د شخړې د پای ته رسولو په اړه بحثونه شامل دي.

د منځني ختیځ لپاره د ټرمپ استازي سټیو ویټکوف د یکشنبې په ورځ وویل چې هغه په قطر کې د اوربند د روانو خبرو اترو په اړه "هیله من" دی، چې د دواړو خواوو ترمنځ یو مهم منځګړی دی.