ایران وايي چې په خلیج کې یې یو بهرنۍ ټانکر کښتۍ د ۴ ملیون لیټرو 'قاچاق شوي تیلو' سره نیولې ده

ایران هڅه کوي چې د ځمکې له لارې ګاونډیو هیوادونو او د سمندر له لارې خلیج هیوادونو ته د تیلو د پراخ قاچاق مخه ونیسي.

د ایران دولتي رسنیو د جمعې په ورځ راپور ورکړی چې ایران د خلیج په سیمه کې د قشم ټاپو ته نږدې یو بهرنی د تېلو ټانکر نیولی، او ویلي یې دي چې دغه بېړۍ د «قاچاق شویو تېلو» څلور میلیونه لیټره لېږدول.

چارواکو د بېړۍ نوم او د هغې تابعیت نه دی څرګند کړی. هغوی ویلي چې د بېړۍ ۱۶ بهرني عمله د جنایي تورونو په تړاو نیول شوې ده. دولتي ټلویزیون ویلي چې ټانکر د چهارشنبې په ورځ نیول شوی دی.

ایراني خبري وېب ‌پاڼو د هغه ټانکر ویډیو او انځورونه خپاره کړي چې وایي نیول شوی دی.

ایران تېره اوونۍ هم ویلي وو چې د عمان په خلیج کې یې یو بل بهرنی ټانکر نیولی چې د دوی په وینا ۶ میلیونه لیټره قاچاق شوی ډیزل یې لېږداوه، خو د بېړۍ نوم او تابعیت یې نه و ښودلی.

ایران، چې د درنو سبسایډیو او د خپل ملي اسعارو د ارزښت د سخت کمېدو له امله په نړۍ کې د تېلو له تر ټولو ټیټو بیو څخه برخمن دی، هڅه کوي چې ګاونډیو هېوادونو ته د وچې له لارې او د خلیج هیوادونو ته د سمندر له لارې د تیلو د پراخه قاچاق مخه ونیسي.