ویل کېږي چې ایران تېره شپه د هرمز تنګي په سویل کې هغه ۶ کښتۍ درولې دي چې د تهران له خوا د ټاکل شوې لارې پر ځای یې په بدیله لاره کې خپل سیسټمونه بند کړي وو او د تېرېدو هڅه یې کوله.
د ایران دولتي ټلویزیون سره په خبرو کې یوه ناڅرګند چارواکي ویلي چې تېره شپه یې له هرمز تنګي څخه د تېرېدونکو ۶ کښتیو مخه نیولې ده.
یاد چارواکي وویل چې دغو کښتیو خپل ټول سیسټمونه بند کړي وو او غوښتل یې د هرمز تنګي په سویل کې له یوې "غیرقانوني او ناامني" لارې تېرې شي. هغه زیاته کړه چې دا هڅه د امریکا د پوځ په "لمسون" شوې وه، خو ناکامه شوه.
وړاندیز شوي
بل خوا ویل شوي چې له دغو ۶ کښتیو څخه یوې یې د تېرېدو د هڅې پر مهال حادثه کړې او پاتې ۵ نورې کښتۍ اړ شوې چې بېرته د فارس خلیج ته وګرځي.
