ټرمپ خبرداری ورکوي: "امرونه لا دمخه ورکړل شوي، او د متحده ایالاتو پوځ چمتو، لیواله او د دې وړتیا لري چې د یو کال مودې لپاره (چې د غځولو وړ ده)، د ایران ټولې سیمې په بشپړه توګه تباه او ویجاړې کړي."
د امریکا ولسمشر ډونالډ ټرمپ ویلي چې پوځ ته یې امر کړی ترڅو پر ایران د بریدونو لپاره چمتو واوسي، که چیرې ایراني حکومت د ولسمشر د وژلو هڅه وکړي یا یې په نښه کړي.
هغه په خپلې ټولنیزې شبکې "ټروت سوشل کې په یوه پوسټ کې لیکلي: "۱۰۰۰ توغندي خپل هدف ټاکلی او چمتو دي او د ایران اسلامي جمهوریت ته مخامخ شوي دي، چې په زرګونو نور به هم سمدستي ورپسې وي، که چیرې ایراني حکومت په نړۍ کې د خپلو اعلان شویو ګواښونو پر اساس د متحده ایالاتو د برحاله ولسمشر، چې په دې قضیه کې 'زه' یم، د وژلو یا د وژلو هڅه وکړي."
هغه زیاته کړه: "امرونه لا دمخه ورکړل شوي، او د متحده ایالاتو پوځ چمتو، لیواله او د دې وړتیا لري چې د یو کال مودې لپاره، چې د غځولو وړ هم ده، د ایران ټولې سیمې په بشپړه توګه تباه او ویجاړې کړي."
د ټرمپ دا څرګندونې چې په خپله ویب پاڼه "ټروت سوشل" کې یې کړې دي، احتمال لري په منځني ختیځ کې یو ځل بیا تاوتریخوالی زیات کړي.
