د ۲۰۲۵ کال له پیل راهیسې، شپاړس اسرائیلي سرتېرو ځان وژنه کړې، چې د غزې د نسل وژنې له پیل څخه د پوځ د ځان وژنو شمېر ۵۴ ته رسېدلی دی.
د اسرائیلو دولتي خبري اژانس کان په راپور کې ویل شوي چې په دې وروستیو شمېرو کې اته فعال سرتېري، اووه احتیاطي ځواکونه او یو مسلکي سرتېری شامل دي. په ۲۰۲۴ کال کې، ۲۱ سرتېرو ځان وژنه کړې وه، او په ۲۰۲۳ کال کې دا شمېر ۱۷ وه.
د راپور له مخې د احتیاطي ځواکونو په منځ کې د ځان وژنې کچه په څرګند ډول لوړه شوې، کوم چې په غزه کې د اسرائیلي ځمکنۍ یرغل لپاره په پراخه کچه ځای پر ځای شوي دي.
سربېره پر دې په نږدې ۳۷۷۰ سرتېرو کې د جګړې وروسته د رواني فشار ناروغۍ (PTSD) تشخیص شوې ده.
د راپور له مخې، د ۱۹۰۰۰ ټپیانو څخه چې په غزه کې د روان نسل وژنې د پيل راهیسې ټپیان شوي دي ، نږدې ۱۰۰۰۰ یې د رواني ستونزو سره مخ دي او د دفاع وزارت د بیا رغونې څانګې له لارې درملنه ترلاسه کوي.
د اسرائیلي پوځ لخوا د رواني مقاومت د لوړولو لپاره ورکشاپونه ترسره کېږي او د جګړې پخواني سرتېري پوځي روانپوهانو ته معرفي کېږي، ترڅو د دې "اندېښمنې پدیدې" سره مقابله وشي.
د ورځې په لومړیو کې، د یدعوت اخرونوت ورځپاڼې د پوځي بیان په حواله وویل چې د احتیاطي ځواک یو سرتېری، اریئل میر تامان، د یکشنبې په شپه په سویلي اسرائیل کې په خپل کور کې مړ وموندل شو.
پوځي څېړنې پیل شوې ترڅو د مرګ علت معلوم کړي، ځکه چې ګمان کېږي سرتېري ځان وژنه کړي وي.
د پوځي معلوماتو له مخې، په غزه کې د نسل وژنې له پیل راهیسې ۸۹۵ اسرائیلي سرتېري وژل شوي او ۶۱۳۴ ټپیان شوي دي. پوځ د کورنیو تورونو سره مخ دی چې د لوړو تلفاتو شمېر پټوي.
نسل وژنه
اسرائیل د غزې په محاصره شوې سیمه کې نږدې ۶۰ زره فلسطینیان، چې ډېری یې ښځې او ماشومان دي، وژلي دي.
