جاپان د امریکا متحده ایالتونو د تعرفې تړون لاندې د ۵۵۰ میلیارد ډالرو پانګونې اسانتیا په اړه غور کوي

د جاپان د  ماليې وزارت وايي، نوې اسانتيا به د (د جاپان د نړيوالې همکارۍ بانک) له لارې د ستراتيژيکو سکتورونو د بهرنيو پراختياوو ملاتړ وکړي.

د جاپان د ماليې وزارت ويلي چې دوی به په يو دولتي پرمختيايي بانک کې د پانګونې يوه اسانتيا جوړه کړي، څو د ۵۵۰ ميليارده ډالرو پانګونې بسته چې د توکیو او واشنګټن د تعرفو په تړون کې موافقه شوې وه، ملاتړ وکړي.

جاپان او امريکا پدې میاشت کې د دې پانګونې د جزئياتو په اړه د تفاهم ياداښت لاسليک کړ، چې موخه يې په هغو سکتورونو کې پانګونه ده لکه چپس، فلزات، درمل، انرژي، او کښتۍ جوړونه، او ټاکل شوې چې دغه پانګونې به د ۲۰۲۹ کال جنورۍ پورې ترسره شي، چې د ډونلډ ټرمپ د ولسمشرۍ د دورې پای سره برابره ده.

د جاپان د پانګونې بسته به په خپلواک ډول د جاپان د نړيوالې همکارۍ بانک او د نيپون د صادراتو او پانګونې بيمې  له لارې د ونډو، پورونو او پور تضمينونو په شمول وي.

د ماليې وزارت وويل، نوې اسانتيا به د جاپان شرکتونو ته مالي ملاتړ ورکړي چې د جاپان د اقتصادي امنيت لپاره ستراتيژيکو مهمو صنعتونو کې په بهر کې پراختيا وکړي.

وزارت زياته کړه چې دوی د جاپان د نړيوالې همکارۍ بانک مقررات هم اصلاح کړي، څو د پرمختللو هېوادونو په پانګونو کې د دې بانک د سرمايې د ساحې پراختيا وکړي، چې پکې د موټرو او درمل جوړونې صنعتونه شامل دي.

پخواني مقررات د  جاپان د نړيوالې همکارۍ بانک د پرمختللو هېوادونو پانګونې د ساحې محدوديت درلود، په داسې حال کې چې د راټوکېدونکو هېوادونو په پرتله يې محدود سکتورونه ټاکلي وو.