په سوریه کې د فرات سیند د دواړو غاړو ترمنځ د پل د جوړولو کار، چې د تورکیې د وسله والو ځواکونو (TSK) او د سوریې د پوځ په همکارۍ ترسره شوی، بشپړ شو.
په دمشق کې د تورکیې سفیر، نوح یلماز، په خپل ایکس ټولنیز حساب کې په یوه پوسټ کې ویلي چې په سوریه کې د فرات سیند باندې پل د اګست په ۳۰مه، د بریا په ورځ بشپړ شو.
سفیر یلماز یادونه وکړه، دا پل چې د تورکیې د وسله والو ځواکونو او سوریې د پوځ ترمنځ د همکارۍ له لارې جوړ شوی، د سیلابونو له امله د ویجاړ شوي زاړه پل پر ځای جوړ شوی.
یلماز وویل: "د تورکی او سوریې وسله وال ځواکونه په سوله کې هم راتلونکی په ګډه جوړوي."
د سوریې د دفاع وزیر مرحف ابو کسرا هم په ایکس کې په خپل پوسټ کې خبر ورکړ چې دا پل د دیرالزور د خلکو د تګ راتګ د بار کمولو لپاره جوړ شوی دی.
ابو کسرا وویل، "زه د خپل ورور، د تورکیې د دفاع وزیر جنرال یاشار ګولر څخه د زړه له کومې مننه کوم چې زموږ د هیوادونو ترمنځ د باور او همکارۍ د پیاوړتیا لپاره یې جدي هڅې وکړې."
