رویټرز خبري اژانس په ټولنیزو رسنیو کې وروسته له هغه له سختو نیوکو سره مخ شو چې کاروونکو دا اژانس تورن کړ چې په سویډن کې د یو پرته د چلوونکي (خودکاره) بس د ترافیکي پېښې په اړه یې د یو ناسم سرلیک له لارې، د تورکيې موټر جوړوونکی شرکت په ناحقه توګه ګرم بللی دی.
دا نیوکې د رویټرز د هغه راپور وروسته وشوې چې تر دې سرلیک لاندې خپور شوی و: "د تورکيې 'کارسان' بې چلوونکی بس په سویډن کې د فعالیت په لومړۍ ورځ ټکر وکړ."
په ټولنیزو رسنیو کې کاروونکو استدلال وکړ چې په سرلیک کې کارول شوې ژبه دا مانا ورکوي چې ګواکې پخپله بې چلوونکي بس د ټکر لامل شوی، په داسې حال کې چې د مقالې په متن کې په واضح ډول راغلي وو چې یو ټرام له بس سره جنګیدلی دی.
وروسته رویټرز خبري اژانس په ایکس (پخواني ټویټر) کې د رویټرز د پوسټ لاندې د ټولنې یو یادښت (Community Note) هم اضافه شو چې په کې لیکل شوي وو: "د سرلیک خلاف، لکه څنګه چې په مقاله کې راغلي، ټرام له بس سره جنګیدلی دی."
یو شمېر کاروونکو رویټرز تورن کړ چې د سرلیک په داسې بڼه لیکلو سره یې د 'کارسان' شرکت اعتبار ته زیان رسولی دی. دا بحث د تورکيې د ټولنیزو رسنیو د کاروونکو ترمنځ په پراخه کچه خپور شو، چې ډېرو یې د دغه خبر پر ایډیټوریل بڼه نیوکې وکړې او د تورکيې د شرکتونو په اړه په نړیوالو راپورونو کې یې د ډېر دقت غوښتنه وکړه.
'کارسان' (Karsan) د برېښنايي او بې چلوونکي عامه ترانسپورتي وسایطو په برخه کې د تورکيې یو له مخکښو صادرونکو څخه دی او د اروپا په ګڼو بازارونو کې فعالیت کوي.
