د ازادۍ کتار ائتلاف چې د اسرائیلو تر محاصرې لاندې غزې ته د مرستو رسولو او اسرائیلو د محاصرې د ماتولو هڅه کوي غزې ته په مرستو بار د یوې کښتۍ د رسولو هڅه کوي.
يوه مرستندويه کښتۍ چې ۱۲ فعالان پکې سپاره دي، د مصر ساحل ته رسېدلې او د محاصره شوې فلسطینۍ سیمې غاړې ته نږدې شوې ده. دا خبره د ازادۍ کتار ائتلاف کړې ده.
نوموړي ائتلاف د شنبې په ورځ له لندن څخه په یوه بیان کې وویل چې کښتۍ د مصر اوبو ته داخله شوې ده.
دې ډلې ویلي چې دوی د نړیوالو قانوني او بشري حقونو ادارو سره په تماس کې دي ترڅو د کښتۍ د سپرلیو امنیت یقیني کړي، او خبرداری یې ورکړی چې هر ډول مداخله به د نړیوال بشري قانون ښکاره سرغړونه وي.
په کښتۍ کې د اروپا د پارلمان یوه غړې له حکومتونو وغوښتل چې د "آزادۍ کښتۍ" لپاره خوندي تګ راتګ یقیني کړي.
یوه فعاله د فرانس پریس خبري اژانس ته وویل: "موږ اوس د مصر ساحل ته نږدې روان یو." هغې زیاته کړه: "موږ ټول ښه یو."
مدلين، چې د آزادۍ کښتۍ د ائتلاف برخه ده، تېره اوونۍ له سيسيلي څخه د مرستې سامانونو سره روانه شوې وه ترڅو پر غزې د اسرائيلو محاصره او بنديز مات کړي.
فلسطینۍ سیمه د ۲۰۲۳ کال د اکتوبر تر اوومې نېټې مخکې هم د اسرائيلو د سمندري محاصرې لاندې وه، او اسرائيلو په تېرو وختونو کې د دې محاصرې د پلي کولو لپاره پوځي اقدامات کړي دي.
په ۲۰۱۰ کال کې د اسرائيلو د پوځ د تورکیې اړوند په یوې مرستندویه کښتۍ چې د غزې د محاصرې د ماتولو په موخه روانه شوې وه برید وکړ او ۱۰ تنه مرستندویان يي ووژل.
همداشان اسرائیلو د مې په میاشت کې، د آزادۍ کښتۍ یوه بله کښتۍ، چې "وجدان" نومېده، او د غزې پر لورې روانه وه د ډرون سره برید وکړ چې ګڼشمیر کسانو ته پکې مرګ ژوبله اوښتې وه، .
