اردوغان : په ملګرو ملتونو کې د بحث اصلی مرکز فلسطین وو، اسرائیل منزوي شوی، د ټرمپ خبرې هیله بښونکي دي
د تورکیې ولسمشر رجب طیب اردوغان وایي: "د څو هېوادونو پرته، تقریباً هیڅوک نه غواړي د اسرائیل ترڅنګ ودرېږي او یا د نتنیاهو له حکومت سره په انځور کې ښکاره شي."
د تورکیې ولسمشر د دوشنبې په ورځ د فلسطین د قضيې د اهمیت یادونه وکړه چې په تېره اوونۍ کې د نیویارک د ملګرو ملتونو په غونډه کې څرګند شو، او ویې ویل: "سره له دې چې اسرائیل هڅه وکړه د هغې مخه ونیسي، د فلسطین قضیه د ملګرو ملتونو د ۸۰مې عمومي اسامبلې پر غونډه خپله نښه پرېښوده."
رجب طیب اردوغان د کابینې له غونډې وروسته ملت ته په وینا کې وویل: "د څو هېوادونو پرته، نږدې هېڅوک نه غواړي د اسرائیل ترڅنګ ودرېږي او یا د قاتل نتنیاهو له حکومت سره په انځور کې ښکاره شي."
اردوغان د هغو هېوادونو شمېر وستایه چې فلسطین یې په رسمیت پېژندلی او ۱۵۸ ته رسېدلی، او ویې ویل: "موږ د دې مبارزې یو مخکښ هېواد په توګه ډېر خوښ یو."
هغه ټینګار وکړ چې تورکیه د فلسطیني ولس ترڅنګ په کلکه ولاړه ده چې د خپلې ځمکې، آزادۍ او وقار دفاع کوي.
هغه زیاته کړه: "که څه هم ځنډیدلی، د فلسطین د دولت په رسمیت پېژندنه د دوه د امنیت شورا د غړو له خوا خورا لوی اهمیت لري." نوموړی د بريتانیې او فرانسې یادونه وکړه.
اردوغان وویل: "نږدې هر څوک پوهېږي چې نتنیاهو، د فساد د څېړنو له امله ورځ تر بلې په ګوښه کېدو سره مخ دی، یوازې د خپلې څوکۍ د ساتلو لپاره سیمه او نړۍ ګډوډۍ ته کش کوي."
د امریکا د ولسمشر ټرمپ سره د تیرې اونۍ په سپینه ماڼۍ کې د خپلې غونډې په اړه، ولسمشر اردوغان وویل: "زه باور لرم چې په راتلونکو ورځو کې به د دې لیدنې مثبتې پایلې ټول ووینو."
