اسرائیل او ایران په یو بل متقابل بریدونو ته دوام ورکوي. دواړو خواوو پدې مهمو ځایونو بریدونه کړي.

اسرائیل د ایران د اټومي او پوځي ځایونو پر وړاندې پراخ هوایي بریدونه پیل کړي دي، چې د دواړو هېوادونو ترمنځ کړکېچ کچه حد سویې ته رسیدلې ده. اسرائیل تهران د خپل اټومي پروګرام له امله ملامت کړی دی.

په ځواب کې، ایران د "ریښتینې ژمنې درېیم عملیات" په نوم د اسرائیل پر وړاندې د توغندیو څو څپې بریدونه ترسره کړل.

دغه بریدونه د دواړو هېوادونو ترمنځ تر ټولو لوی مستقیم پوځي برید ګڼل کېږي. د اسرائیلي سرچینو په وینا، د ایران په شاوخوا ۲۰۰ ځایونو بریدونه شوي، چې پکې اټومي تاسیسات، د هوايي دفاع سیستمونه او د توغندیو هډې شاملې دي.

ویل کېږي چې دغه بریدونه د F-35 جنګي الوتکو، ډرونونو او اوږد واټن دقیقو توغندیو په مرسته ترسره شوي، چې د اصفهان، فردو، اراک، تهران او د ایران په لوېدیځ کې په څو پوځي ځایونو باندې یې بریدونه کړي دي.

دلته هغه ځایونه دي چې اسرائیل پرې بریدونه کړي دي:

د نطنز اټومي تاسیسات – د اصفهان ولایت د ایران یو له تر ټولو خوندي اټومي ځایونو څخه، د نطنز د اټومي تاسیساتو د ځمکې پر سر د غني کولو د ازمایښتي فابریکې او شاوخوا ملاتړ کوونکو جوړښتونو ته زیان رسېدلی دی. د سپوږمکۍ عکسونه ښيي چې د یورانیمو د ځمکې لاندې تالارونه تر ډېره سالم پاتې دي، خو د عملیاتو مهمې ودانۍ غیر فعالې شوې دي.

د اټومي انرژۍ نړیوالې ادارې (IAEA) تایید کړه چې د غني کولو فابریکه په نښه شوې، خو وروسته یې زیاته کړه چې د ایران چارواکو په سیمه کې د وړانګو د زیاتوالي کومه نښه نه ده موندلې.

د فردو اټومي تاسیسات – د قم ښار ته نږدې د ایران نیمه رسمي فارس خبري اژانس راپور ورکړ چې د فردو اټومي تاسیسات د اسرائیلي بریدونو په ترڅ کې په نښه شوي دي. دغه بریدونه د ځمکې پر سر د تاسیساتو، د ننوتلو ځایونو او امنیتي جوړښتونو په نښه کولو سره ترسره شوي دي.

د اصفهان د اټومي ټکنالوژۍ مرکز د اصفهان په مرکز کې چې د تهران څخه ۳۴۵ کیلومتره لرې پروت دی، زرګونه اټومي ساینس پوهان پکې کار کوي. دغه ځای چې د یورانیمو د فلزاتو تولید او د سونګ د بیا پروسس لپاره کارول کېږي، د بریدونو له امله سخت زیانمن شوی دی.

د اراک د درنې اوبو رییکټر د اراک درنې اوبو رییکټر چې د تهران څخه ۲۵۰ کیلومتره لرې پروت دی، د اسرائیل لخوا په نښه شوی دی. راپورونه ښيي چې د یخولو او پروسس کولو تجهیزاتو ته زیان رسېدلی دی.

د تهران د عمومي وسله والو ځواکونو مرکز د تهران په مرکز کې د اسلامي انقلابي ګارډ  د عمومي قوماندې مرکز چې د لوړپوړو مشرانو او د عملیاتو د پلان جوړونې ځای دی، د اسرائیل لخوا په نښه شوی دی. په دې برید کې څو لوړپوړي قوماندانان وژل شوي دي.

د ایران لخوا په نښه شوي ځایونه: د کیریا کمپاونډ – د اسرائیلي ځواکونو مرکزي قومانده، تل ابیب د ایران توغندیو د اسرائیل د مرکزي پوځي مرکز په تل ابیب کې برید کړی دی.

د نیواټیم او اوودا هوايي هډې د ایران د تسنیم خبري اژانس د راپور له مخې، د نیواټیم او اوودا هوايي هډې چې د اسرائیل د قوماندې او کنټرول مرکزونه دي، د ایران د بریدونو هدف ګرځېدلي دي.

د رامات ګان، ریشون لیزیون او تل ابیب مرکزي استوګنیزې سیمې د ایران بالستیک توغندیو د رامات ګان او تل ابیب په مرکزي استوګنیزو سیمو بریدونه کړي، چې په پایله کې درې ملکي وګړي وژل شوي او ګڼ شمېر نور ټپیان شوي دي.