نړۍ
2 د لوستلو دقیقې
د مالي په میناکا سیمه کې پر کمپونو بریدونو کې ۴۰ ملکي وګړي وژل شوي
امنیتي او سیمه ییزو سرچینو تایید کړې، چې د مالي په شمال ختیځ میناکا ایالت کې پر استوګنیزو کمپونو د وسله والو کسانو لخوا د اونۍ د پای بریدونو کې له ۴۰ ډېر ملکي وګړي وژل شوي دي.
د مالي په میناکا سیمه کې پر کمپونو بریدونو کې ۴۰ ملکي وګړي وژل شوي
د مالي په میناکا سیمه کې پر کمپونو بریدونو کې ۴۰ ملکي وګړي وژل شوي

بریدګر چې پر موټرسایکلونو سپاره وو، له میناکا ښار څخه شاوخوا ۵۰ کیلومتره لرې، د تینابو  کلي او تاګادایات  سیمې په شاوخوا کې پر هغو مېشت ځایونو برید وکړ چې تر ډېره د داوساهک  ټولنې غړي پکې اوسېدل.

د داوساهک ټولنې اجرائیوي دفتر ویلي دي  چې د دغه برید تر شا د داعش ترهګره ډله ده، یاده پېښه یې د یوې «ټولوژنې» په توګه غندلې او هغو ژغورل شویو کسانو ته یې د بېړنیو بشري مرستو غوښتنه کړې چې میناکا ته بې ځایه شوي دي.

یاده ټولنه همدارنګه د  په نوم وسله والې ډلې د رامنځته کېدو اصلي ځای دی.

په ګاو (Gao) سیمه کې یوې امنیتي سرچینې د فرانس پرېس  خبري آژانس ته وویل چې دا وژنې «په دې وروستیو کې په سیمه کې د ترسره شویو پوځي عملیاتو او د MSA ډلې د بریدونو د غچ اخیستنې په توګه» رامنځته شوي دي. سرچینې زیاته کړه چې لومړني راپورونه د شاوخوا ۴۰ تنو د مړینې ښکارندويي کوي، چې ډېری یې نارینه دي.

یوه بل امنیتي چارواکي وویل چې د تلفاتو شمېر ۵۰ ته رسېدلی او یادونه یې وکړه چې وسله والو «پر هر هغه څه ډزې کولې چې حرکت به یې کاوه... چې ځوانان او سپین ږیري هم پکې شامل وو.»

د تینابو سیمې یوه عیني شاهد وویل: «څو لسګونه موټرسایکلونه ناڅاپه راورسېدل، بریدګرو پر ډزو پیل وکړ او کورونو ته یې اور واچاوه. دوی له هېچا سره خبرې ونه کړې او یوازې پر وژلو یې پیل وکړ. ما لسګونه جسدونه ولیدل.»

یوه ټاکل شوي سیمه ییز چارواکي د ښځو او سپین ږیرو په ګډون د ۵۰ څخه د زیاتو جسدونو لیدل تایید کړل.

مالي له ۲۰۱۲ کال راهیسې له څو اړخیزو امنیتي بحرانونو سره لاس او ګرېوان دی، چې په کې ملي وسله وال ځواکونه او د هغوی نیمه پوځي متحدین د اورپکو ډلو، د طوارق (Tuareg) بېلتون غوښتونکو ډلو او جنایي شبکو پر وړاندې جنګېږي.

په دغه هېواد کې پوځي حکومت (خونتا) په ۲۰۲۰ او ۲۰۲۱ کلونو کې تر کودتاګانو وروسته واک ترلاسه کړ.

د مالي پوځ تایید کړه چې د شنبې په ورځ یې د میناکا ښار په شاوخوا ۶۵ کیلومترۍ سویل لوېدیځ کې هوایي بریدونه کړي او «هغه لویه اډه یې په نښه کړې چې ډېری ترهګر عناصر او پوځي تجهیزات پکې ځای پر ځای وو.»

 

وپلټۍ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي
یو عدلي طب کارپوه وايي چې د اپسټین مړینه تر ځان‌وژنې ډېره له وژنې (قتل) سره ورته والی لري
وینس وايي د ټرمپ اداره به اجازه ورنه کړي چې له ایران سره جګړه پر یوې بلې «نه ختمېدونکې جګړې» بدله شي
د مهمو خبرونو غورچاڼ
اردوغان د تورکیې په کوربه‌توب د COP31 سرمشریزه په تاریخ کې «تر ټولو بریالۍ» سرمشریزه وبلله.
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.