د ای بي سي نیوز (ABC News) د راپور له مخې، چارواکو خبر ورکړی چې دغه برید د یکشنبې پر ورځ هغه مهال رامنځته شو کله چې د یهودي ټولنې غړي د «یوم کیپور» (Yom Kippur) مذهبي مناسبت له امله د سونس اف یعقوب (Sons of Jacob) کنیسې مخې ته راټول شوي وو.
د بیلوېل د پولیسو د خبرپاڼې له مخې، دا پېښه د ځايي وخت د ماښام په شاوخوا ۷ بجو رامنځته شوې چې په ترڅ کې یې د یوه پولیس په ګډون دوه کسان ټپیان شوي دي.
عينې شاهدانو ویلي دي چې ټپي شوی ملکي کس پخپله د برید مشکوک کس دی، خو پولیسو تر اوسه د برید د لامل او یا د دې په اړه چې ایا په ټاکلي ډول کنیسه یا یهودي ټولنه نښه شوې وه او که نه، معلومات نه دي شریک کړي.
ټپیان روغتون ته لېږدول شوي او د پېښې په اړه رسمي څېړنې پیل شوې دي.
