د پلازمېنې د پوځي ادارې مشر تیمور تکاچینکو د پنجشنبې په لومړیو ساعتونو کې وویل چې د راغورځېدلو بې پیلوټه الوتکو پاتې شونو د ښار په بېلابېلو سیمو کې په ودانيو لګېدلې دي.
غیر رسمي ټیلیګرام چینلونو د اپارتمانونو د ودانیو د ځینو برخو د سوځیدو ویډیوګانې خپرې کړې. د مرګ ژوبلې په اړه سمدستي راپورونه نه دي ورکړل شوي.
د اوکراین هوايي ځواک ویلي چې روسي توغندیو د هېواد نورې سیمې هم په نښه کړې دي، چې پکې د اوکراین په شمال کې خارکیف، سومي او چرنیهیف او د هېواد مرکزي سیمه پولتاوا شامل دي.
د کیف ښاروال، ویتالي کلیتشکو، هم ویلي چې پلازمینه د روسیې تر سخت برید لاندې راغلې ده.
ښاروال، ویتالي کلیتشکو، په ټیلیګرام کې ولیکل، "دښمن کیف د بې پیلوټه الوتکو او بالستیک توغندیو سره په نښه کړ،" او زیاته یې کړه چې پلازمینه "د دښمن تر سخت برید لاندې ده".
کلیچکو د پنجشنبې په ورځ وویل چې پر کیف بریدونو یوه پنځه پوړیزه استوګنیزه ودانۍ زیانمنه کړې او د موټرو په تمځای کې یو موټر اور اخیستی.
هغه وویل چې د توغندیو پاتې شوني هم "پر یوې غیر استوګنیزې ودانۍ" لوېدلي دي.
