دا تصدیق د حکومت لخوا وروسته له هغه ورکړل شو کله چې الوتکې د ۲۰۲۱ او ۲۰۲۶ کلونو ترمنځ د الوتنې او خوندیتوب ازموینو لړۍ بشپړه کړه.

د سویلي کوریا د دفاع د ترلاسه کولو د پروګرام ادارې (DAPA) د سې شنبې په ورځ وویل چې د سویلي کوریا لومړنۍ کورني جوړه شوې جنګي الوتکه، KF-21، د حکومت څخه د الوتنې د خوندیتوب تصدیق ترلاسه کړ، چې له دې سره یې د عملي کارونې لپاره لاره هواره شوه.

د یونهاپ خبري اژانس په وینا، دا تصدیق د دوشنبې په ورځ وروسته له هغه ورکړل شو کله چې الوتکې د ۲۰۲۱ او ۲۰۲۶ کلونو ترمنځ ترسره شوې د الوتنې او خوندیتوب ازموینې بشپړې کړې.

د DAPA په وینا، د بیاکتنې کمیټې تایید کړه چې KF-21 د ۱۴ ارزونې کټګوریو کې ټولې ۷۴۵ اړتیاوې پوره کړې، پشمول د الوتکې جوړښت، ایویونکس، او بریښنایی سیسټمونه.

دې جنګي الوتکې د مې په میاشت کې د جګړې چمتووالي ارزونه هم په بریالیتوب سره تیره کړې وه.

سویلي کوریا پلان لري چې تر ۲۰۳۲ کال پورې ۱۲۰ KF-21 جنګي الوتکې ترلاسه کړي.

لومړنۍ ۴۰ الوتکې، چې د هوا څخه هوا جنګي وړتیاو باندې تمرکز کوي، ټاکل شوې چې تر ۲۰۲۸ کال پورې وسپارل شي، او ورپسې به ۸۰ نورې الوتکې چې د هوا څخه ځمکې او د بېړیو ضد پراخې وړتیاوې لري، وسپارل شي.

تمه ده چې د KF-21 جنګي الوتکو لومړۍ جوپه د روان کال په دویمه نیمایي کې د سویلي کوریا هوايي ځواک ته وسپارل شي، او نورې سپارنې به په پړاوونو کې ترسره شي.