پدې برید کې د سوداګرۍ زیربنا، د سرې ګودامونه او موټرونه، د بار وړونکو واګونونو په ګډون، هم زیانمن شوي دي.
د اوکراین مرستیال لومړي وزیر اولیکسي کولیبا ویلي دي چې د تور سمندر په غاړه د اوکراین د اودیسا سیمې په یوه بندر کې د روسیې د بې پیلوټه الوتکې برید یو کس وژلی او شپږ نور یې ټپیان کړي دي.
هغه د جمعې په ورځ پر ټیلیګرام لیکلي: «روسیې د بندر او د رېل پټلۍ پر زیربناوو پراخ بریدونه وکړل.»
کولیبا وویل چې د یوه سوداګریز شرکت زیربناوې، د سرې ګودامونه او وسایط، د بار وړونکو واګونونو په ګډون، زیانمن شوي او زیاته یې کړه چې د برید له امله اور هم ولګېد.
کولیبا د بندر نوم یاد نه کړ. د اودیسا ښار شاوخوا د تور سمندر درې بندرونه ډیری وخت د بریدونو هدف ګرځېدلي، او دا سیمه د ډینیوب سیند بندرونه هم لري.
د اودیسا سیمه يیز والي اولیه کیپر وویل چې په سیمه کې انرژي، صنعتي او د استوګنې زیربنا هم په نښه شوې ده.
هغه مخکې راپور ورکړی و چې برید د بریښنا، تودوخې او اوبو رسولو کې "د پام وړ" ګډوډي رامینځته کړې.
کولیبا زیاته کړه چې د رېل پټلۍ زیربناوې د دنیپروپېتروفسک سیمه کې هم تر برید لاندې راغلې ده.
