د ایران د پوځ یو ویاند د سیمه ییزو روانو کړکېچونو په اړه وویل" دښمن خپل هیڅ یو هدف ته ندی رسیدلی .

د ځايي رسنیو په وینا، د ایران د پوځ یوه ویاند ویلي دي چې هغه هېوادونه چې د تهران پر وړاندې د امریکا بندیزونه پلي کوي "په یقیني توګه به د هرمز تنګي څخه په تېرېدو کې له ستونزو سره مخ شي."

نیمه دولتي تسنیم خبري اژانس د برید جنرال اکرمي نیا له قوله د یکشنبې په ورځ په یوه اعلامیه کې ویلي: " دښمن خپل یو هدف ته هم ندی رسیدلی ، او د ایران د نظام سیاسي توازن پر خپل ځای دی او "ګډوډ شوی ندی."

سیمه ییز کړکېچونه وروسته له هغه زیات شول، چې امریکا او اسرائيلو د فبرورۍ په ۲۸ مه پر ایران بریدونه وکړل، چې له امله یې تهران د اسرائيلو او په خلیج کې د امریکا د متحدینو پر وړاندې ځوابي غبرګون وښود او د هرمز تنګی یې هم وتړه.

د اپرېل په ۸ مه د پاکستان په منځګړیتوب یو اوربند نافذ شو، خو په اسلام اباد کې خبرو کومه تلپاتې هوکړه رامنځته نه کړه. دا اوربند وروسته د امریکا د ولسمشر ډونالډ ټرمپ له خوا له کومې ټاکلې نېټې پرته وغځول شو، چې د جګړې د دایمي حل لپاره یې ډیپلوماسۍ ته لاره هواره کړه.

د اپرېل له ۱۳ مې راهیسې، امریکا په دې اوبلارې کې د ایران د سمندري تګ راتګ پر وړاندې یو سمندري کلابند لګولی دی.

ټرمپ د سې شنبې په ورځ اعلان وکړ چې د امریکا پوځ به په موقتي توګه د "آزادۍ پروژه عملیات  ودروي، ترڅو د دې سمندري لارې له لارې د سوداګریزو کښتیو لپاره د تګ راتګ ازادي بېرته راولي، او ویې ویل چې د امریکا کلابند به "په بشپړ ځواک او اغېز سره" پر ځای پاتې وي.