د سعودي عربستان د بهرنیو چارو وزارت لخوا په خپره شوې خبرپاڼه کې ویل شوي، چې د ریاض-مدینې په سیمه کې د څو ډرون الوتکو له لوري پر نښه شوې نللیکې ته د اوښتي زیان د رغولو هڅې روانې دي. په خبرپاڼه کې دغه برید چې د مرګژوبلې او مالي زیانونو سبب شوی، په کلکو ټکو غندل شوی دی.
په اعلامیه کې راغلي چې د عراق لومړي وزیر علي الزېدي له خپل هېواد څخه پر سعودي عربستان او ګاونډیو هېوادونو د بریدونو د مخنیوي لپاره د لازمو اقداماتو ترسره کولو په موخه، د عراقي حکومت لپاره د وخت او فرصت ورکولو غوښتنه کړې ده.
په خبرپاڼه کې زیاته شوې، سعودي عربستان د دغې غوښتنې له مخې بالمثل غبرګون نه ښودل او د عراق د حکومت د هڅو ملاتړ غوره کړی، خو ټینګار یې کړی چې د خپل حاکمیت، امنیت، تاسیساتو او اتباعو د خوندیتوب لپاره د ټولو اړینو اقداماتو د اخیستلو حق له ځان سره خوندي ساتي.
د سعودي عربستان د انرژۍ وزارت دمخه خبر ورکړی و چې د ختیځ-لوېدیځ د تېلو نللیکه د سپتمبر پر ۱۰مه د ډرون بریدونو له امله د احتیاطي تدابیرو په ترڅ کې تړل شوې او په پېښه کې مرګژوبله هم اوښتې ده.
