د دغه وزارت لخوا په خپره شوې اعلامیه کې ویل شوي، چې روسي پوځ د تېرې شپې پر مهال د اوکراین د بندرونو پر زیربناوو او هغو بېړیو چې د اوکرایني وسله والو ځواکونو د اړتیاوو پوره کولو لپاره کارول کېدې، د بې پیلوټه الوتکو (ډرون) پر مټ خپلو بریدونو ته دوام ورکړی دی.
په اعلامیه کې راغلي چې د چرنومورسک په بندر کې د بې پیلوټه سمندري وسایطو د تولید پر تاسیساتو برید شوی، او زیاته شوې ده چې یوه باري بېړۍ چې د اوکرایني پوځ د اړتیاوو لپاره یې د اودیسا بندر ته توکي لېږدول، هم د حرکت په حال کې ویشتل شوې ده.
وړاندیز شوي
د یاد وزارت په یوه بله اعلامیه کې بیا دا معلومات ورکړل شوي، چې د روسیې هوایي مدافعې سیستمونو تېره شپه د مسکو او شاوخوا سیمو په ګډون، په بېلابېلو سیمو کې د اوکراین ۶۱۶ بې پیلوټه الوتکې له منځه وړي دي.
