روسیې خبر ورکړی چې نښه شوې سیمې «له اروپايي هېوادونو څخه د پوځي بارونو د لېږد رالېږد لپاره» کارول کېدې.
د دغه وزارت په خپره شوې خبرپاڼه کې په اوکراین کې د روسیې د وسله والو ځواکونو د وروستیو پوځي اقداماتو په اړه معلومات ورکړل شوي دي.
په خبرپاڼه کې ویل شوي چې روسي ځواکونو د ورځې په اوږدو کې په اوکراین کې پر بېلابېلو موخو بریدونه کړي؛ چې په ترڅ کې یې د اوډیسا (Odessa) په ښار او شاوخوا سیمو کې د پوځي بارونو د زېرمه کولو او وېشلو لوجیستیکي مرکزونه او د بې پیلوټه الوتکو (ډرون) د تولید ورکشاپونه وېشتل شوي دي.
د اعلامیه پر بنسټ، د اوډیسا په بندر کې هغه کښتۍ چې پوځي بارونه یې لېږدول او همدارنګه د بندرونو د فعالیت برېښنایي سب سټیشنونه (ترانسفارمرونه) نښه شوي دي. په خبرپاڼه کې زیاته شوې: «د اوکراین په لوېدیځو سیمو کې د اوسپنې پټلۍ پر هغو لېږدونکو تاسیساتو بریدونه دوام لري چې له اروپايي هېوادونو څخه د پوځي توکو د لېږد لپاره کارول کېږي.»
په اعلامیه کې تایید شوې چې دا بریدونه د هوایي او دقیق هدف ویشتونکو وسلو او ډرون الوتکو پر مټ ترسره شوي دي.
