نوې سوریه
3 د لوستلو موده (...) دقیقې
د دمشق په کلیوالي سیمه بیت جن ښارګوټي باندې د اسرائیل په برید کې ۱۳ کسان وژل شوي دي.
د سوریې د دمشق په کلیوالي سیمه کې د بیت جن پر ښارګوټي او مزرعة بیت جن ته پر غځېدلې لار د جمعې په ورځ وختي د اسرائیلو په یوه برید کې د ښځو او ماشومانو په ګډون لږ تر لږه ۱۳ کسان ووژل شول او ګڼ نور ټپیان شول.
د دمشق په کلیوالي سیمه بیت جن ښارګوټي باندې د اسرائیل په برید کې ۱۳ کسان وژل شوي دي.
د دمشق په کلیوالي سیمه بیت جن ښارګوټي باندې د اسرائیل په برید کې ۱۳ کسان وژل شوي دي.
28 نومبر 2025

د دمشق په کلیوالي سیمه بیت جن ښارګوټي باندې د اسرائیل په برید کې ۱۳ کسان وژل شوي دي.

په سوریه کې د دمشق په کلیوالي سیمو کې پر بیت جن او نږدې سیمو د اسرائیلو له برید وروسته ګڼې کورنۍ بې ځایه شوي دي.

د سوریې د دمشق په کلیوالي سیمه کې د بیت جن پر ښارګوټي او مزرعة بیت جن ته پر غځېدلې لار د جمعې په ورځ وختي د اسرائیلو په یوه برید کې د ښځو او ماشومانو په ګډون لږ تر لږه ۱۳ کسان ووژل شول او ګڼ نور ټپیان شول.

د انادولو خبري اژانس یوه خبریال د ځايي سرچینو په حواله خبر ورکړی، چې په وژل شویو کې دوه ښځې او دوه ماشومان هم شامل دي.

د سوریې دولتي تلویزیوني شبکې، الاخباریه، راپور ورکړی چې د بریدونو وروسته اسرائیلي بې پیلوټه الوتکو په سیمه کې، په ځانګړې توګه د دواړو ښارګوټو ترمنځ پر غځېدلې لار، الوتنو ته دوام ورکړی.

سرچینې زیاته کړې، چې ډیری قربانیان لا هم تر خاورو لاندې بند پاتې دي او اوسیدونکي یې د را ایستلو لپاره کار کوي.

د سوریې دولتي خبري اژانس (سانا) خبر ورکړی، چې د اسرائیلو له برید وروسته د ملکي دفاع ټیمونه او د دمشق د کلیوالي سیمې د روغتیا ریاست دوه امبولانسونه سیمې ته ننوتلي ترڅو مړي ولیږدوي او د ټپیانو درملنه وکړي.

الاخباریه راپور ورکړی چې له برید وروسته لسګونه کورنۍ له بیت جن څخه نږدې امن سیمو ته تښتېدلې دي.

تر دې مخکې، دې شبکې راپور ورکړی و چې یوه اسرائیلي ګزمه ښارګوټي ته ننوتې وه او له شاتګ وړاندې یې له ځايي اوسېدونکو سره لنډه نښته هم کړې وه.

د اسرائیلو پوځ په یوه اعلامیه کې ویلي چې د عملیاتو پر مهال یې شپږ سرتېري ټپیان شوي، چې د دریو تنو روغتیايي وضعیت یې د اندېښنې وړ دی. پوځ ادعا کړې چې د "جماعة الاسلامیه" غړي یې نیولي او تور یې پورې کړی چې هغوی "د سوریې په جنوب کې د بیت جن په سیمه کې فعالیت کاوه او د اسرائیلي ملکي وګړو پر وړاندې یې د بریدونو تابیا نیوله."

د سوریې چارواکو د اسرائیلو د برید او ادعا په اړه تر اوسه څه نه دي ویلي.

د اسرائیلو پوځ د نومبر په میاشت کې د سوریې په جنوب کې ۴۷ چاپې وهلې دي.

د حکومتي معلوماتو له مخې، د اسرائیلو پوځ د ۲۰۲۴ کال له ډسمبر راهیسې پر سوریې له ۱۰۰۰ ډېر هوايي بریدونه او پر جنوبي ولایتونو یې له ۴۰۰ ډېرې ځمکنۍ چاپې وهلې دي.

د ۲۰۲۴ کال په وروستیو کې د بشارالاسد د رژیم له ړنګېدو وروسته، اسرائیلو له سوریې سره د ۱۹۷۴ کال د بېلېدو تړون په نقضولو سره د حائلې سیمې په نیولو سره د سوریې د جولان د لوړو اشغال پراخ کړ.

 

وپلټۍ
واشنګټن کې د ملي ګارد پر ځواکونو برید کوونکي افغان د کلونو لپاره د امریکايي ځواکونو لپاره کار کړی و
یونسکو د تورکیې قهرمان‌ماراش  ښار د ادبیاتو په برخه کې د نوښتګرو ښارونو په نوملړ کې شامل کړ
د پاکستان د هنګو په ښار کې پر پولیسو خونړی برید شوی.
تورکیې په اوکراین کې د ځواکونو د ځای په ځای کولو نه مخکې د اوربند پر اهمیت ټینګار وکړ.
د کاتولیک مسیحیانو دیني مشر پاپ لیو څوارلسم د خپل لومړني بهرني سفر په ترڅ کې تورکیې ته راغی.
د بنګله دیش پرزول شوې مشرې حسینې ته د مرګ له سزا یوه اونۍ وروسته د ۲۱ کلونو بند سزا واورول شوه
تورکیه له پاکستان سره د انرژۍ د استخراج  تړون رسمي کوي
ولسمشر اردوغان ته د روغتیا د نړۍوال سازمان لخوا جایزه ورکړل شوه
هانګ کانګ کې په یو ښارګوټي کې د اور لګېدنې له امله د مړو شمېر ۴۴ ته لوړ شو، په سلګونو نور لادرکه دي
ټرمپ امریکا ته د راانتقال شوو ټول افغان کډوالو د بیا څیړولو غوښتنه وکړه
‎سپینې ماڼۍ ته نږدې د امریکا د ملي ګارد پر غړو ډزې شوي
اسرائيلي ځواکونو د سوریې په قنیطره ښار برید وکړ، چې د هېواد د حاکمیت نوې سرغړونه ده
د بنګله دیش په پلازمینه ډاکه په کورایل سیمه کې سترې اورلګېدنې ۱۵۰۰ کورونه ویجاړ کړل
ملګري ملتونه : په هرو ۱۰ دقیقو کې یوه ښځه د خپل ملګري یا د کورنۍ د غړي له خوا وژل کیږي.
چین په غزه کې د دایمي اوربند او د روان کړکېچ پروړاندې د نړیوالو د ټینګو اقداماتو غوښتنه وکړه