د تورکیې ولسمشر رجب طیب اردوغان د مۍ ۱۹مې په مناسبت په خپل پیغام کې وویل: "په هېواد کې دننه او بهر ټولو مېشتو ځوانانو ته خپل سلامونه او محبت وړاندې کوم. د هیواد د ټولو شهیدانو نه چې زموږ د ملت لپاره خپل ځانونه قرباني کړي په درنښت سره یادونه کوم او غازیانو ته د نېکمرغه او روغ رمټ ژوند هیله کوم."
د تورکیې ولسمشر رجب طیب اردوغان د "مۍ ۱۹مې؛ د اتاترک د یادښت، ځوانانو او سپورت ورځې" په مناسبت یو لیکلی بیان خپور کړ.
ولسمشر اردوغان په دغه پیغام کې داسې ویلي:
"زموږ ټولو ځوانانو ته د مۍ ۱۹مې 'د اتاترک د یادښت، ځوانانو او سپورت د ورځې مبارکي وایم؛ په هېواد کې دننه او بهر مېشتو زموږ ټولو ځوانانو ته خپل سلامونه او محبت وړاندې کوم.
د ملي مبارزې (د خپلواکۍ جګړې) عمومي قوماندان غازي مصطفی کمال اتاترک، د هغه د سنګر ملګري او زموږ د اردو (چې په تورکیه کې د پېغمبر د همسنګرانو په نوم پېژندل کېږي) اتل غړي په درناوي سره یادوم.
د هیواد د ټولو شهیدانو نه چې زموږ د ملت لپاره خپل ځانونه قرباني کړي په درنښت سره یادونه کوم او د الله د دربار څخه ورته د رحمت او مغفرت غوښتنه کوم او غازیانو ته چې ژوندي دي د هوسا ژوند غوښتنه کوم او هغه چې ددې فاني نړۍ نه يي سترګې پټې کړي دي د رحمت او مغفرت غوښتنه کوم.
یو ځل بیا د هیواد ځوانانو د مې د ۱۹ مې په مناسبت مبارکي وړاندې کوم.
