روسیه ویلي دي چې د اوکراین لخوا د یو جګپوړي روسي چارواکي د وژلو پلان يي شنډ کړ.
د روسیې امنیتي ادارې ویلي، چې په مسکو کې یې د اوکراین هغه پلان شنډ کړی چې غوښتل يي د روسیې یو جګپوړی چارواکی ووژني.
د روسیې د امنیتي خدماتو ویلي، چې د روسيې د یو دولتي چارواکي د وژلو لپاره یې د اوکراین پلان شنډ کړی او کیف یې د هیواد په نورو برخو کې د ورته بریدونو په پلانولو تورن کړی دی.
د روسیې امنیتي خدماتو د جمعې په ورځ په یوه بیان کې وویل چې اوکراین په پام لرل چې یو روسي چارواکی هدیرې ته د خپلو اقاربو د قبرونو زیارت کولو پر مهال ووژني .
په بیان کې د نوموړي روسي چارواکي هویت چې اوکراین يي د وژلو پلان درلود ندی ښودل شوی.
د روسیې د دفاع وزارت د جمعې په ورځ وویل، د روسیې د هوایي دفاع ځواکونو د شپې له خوا ۲۱۶ اوکراینۍ بې پیلوټه الوتکې ویشتلې او یا یې نیولې دي.
وزارت وویل چې د روسیې په جنوبي کراسنودار سیمه کې یې ۶۶ بې پیلوټه الوتکې راغورځولې دي، چیرې چې چارواکو مخکې ویلي وو چې د تیلو یو ډیپو او بندر په نښه شوي دي.
د روسیې د ساراتوف سیمې والي ویلي چې د بې پیلوټه الوتکو بریدونو ملکي بنسټونو ته زیان رسولی، په داسې حال کې چې د ولګوګراد سیمې مشر ویلي چې هوایي دفاع د شپې له خوا د انرژۍ پر بنسټونو د بې پیلوټه الوتکو برید په شا تمبولی دی.
