د فیلیپین په سیبو سیمه کې د ۶.۹ درجې زلزلې وروسته له ۸۰۰۰ څخه ډیر ټکانونه ثبت شوي دي.
تېره اونۍ په دې سیمه کې د یوې قوي زلزلې له امله ۷۲ کسان ووژل شول او نږدې ۳۰۰ نور ټپیان شول.
سیمه ییزو رسنیو راپور ورکړی چې د فلپین د آتشفشان او زلزلې پېژندنې انسټیټیوټ لخوا د تیرې اونۍ د سیبو سیمې د ۶.۹ درجې زلزلې راهیسې له ۸۰۰۰ څخه ډیر وروسته ټکانونه ثبت شوي دي.
د جي ایم اې (GMA) شبکې د راپور له مخې، د سپتمبر له ۳۰مې راهیسې ټولټال ۸,۲۹۸ ټکانونه ثبت شوي دي، چې شدت یې له ۱.۰ تر ۵.۱ درجې پورې رسېږي.
د تیرې اونۍ د فلپین د سیبو ولایت د یوې قوي زلزلې له امله شاوخوا ۷۲ کسان مړه شوي او نږدې ۴۰۰۰۰ زره کورونه زیانمن شوي دي.
په دې زوروره زلزله کې لږ تر لږه ۲۹۴ کسان ټپیان شوي، چې د سیمې زیربناوو ته یې پراخ زیانونه اړولي دي.
سیبو د ناورین حالت اعلان کړی، او ګڼو نورو سیمه ییزو ادارو هم ورته پرېکړه کړې ده. په ټولیز ډول ۵۳ ښارونو او ولسوالیو د ناورین حالت اعلان کړی دی.
تر اوسه له ۱۷۰,۰۰۰ څخه ډېر خلک اغېزمن شوي، او شاوخوا ۲۰,۰۰۰ کسان د زلزلې له امله بې ځایه شوي دي.
